Mmebusɛm 4:1-27
4 Me mma, muntie agya nteɛso;+Monyɛ aso na ama moanya ntease.
2 Na mɛma mo akwankyerɛ pa;Mommpo me nkyerɛkyerɛ.*+
3 Meyɛɛ ɔba pa maa me papa,+Na meyɛɛ me maame dɔba.+
4 Ɔkyerɛkyerɛɛ me, na ɔkae sɛ: “Fa wo koma so me nsɛm mu den.+
Di me mmara nsɛm so na nyin kyɛ.+
5 Hwehwɛ nyansa; hwehwɛ ntease.+
Mma wo werɛ mmfi, na ntwe wo ho mfi m’anom asɛm ho.
6 Ntow nyansa nkyene, na ɛbɛbɔ wo ho ban.
Dɔ no, na ɛbɛhwɛ wo so.
7 Nyansa ne ade a ehia paa,*+ enti hwehwɛ nyansa,Na nea wubenya biara, hwehwɛ ntease ka ho.+
8 Bu nyansa paa, na ɛbɛma wo so.+
Yɛ no atuu, na ɛbɛhyɛ wo anuonyam.+
9 Ɛde nhwiren abotiri fɛfɛɛfɛ bɛbɔ wo ti;Ɛbɛyɛ ahenkyɛw fɛfɛɛfɛ wɔ wo ti so.”
10 Me ba, tie, na gye me nsɛm tom,Na ɛbɛma woanya nkwa tenten.*+
11 Mɛkyerɛkyerɛ wo ama woafa nyansa kwan so;+Mede wo bɛfa trenee akwan so.+
12 Sɛ wonantew a, biribiara rensiw w’anammɔn kwan;Na sɛ wutu mmirika a, worenhintiw.
13 So nteɛso mu; nnyaa mu.+
Bɔ ho ban, efisɛ ebegye wo nkwa.+
14 Mfa abɔnefo kwan so,Na nnantew amumɔyɛfo kwan so.+
15 Twe wo ho fi ho; nkɔfa so;+Dan wo ho fi ho, na twam kɔ.+
16 Wontumi nna, gye sɛ wɔadi bɔne;
Wɔnna, gye sɛ wɔama obi ahwe ase.
17 Abɔnefosɛm na ɛyɛ wɔn aduan,Na amumɔyɛ nsã* na wɔnom.
18 Na atreneefo kwan te sɛ anɔpa hannA ɛhyerɛn nkakrankakra kosi awia ketee.+
19 Abɔnefo kwan te sɛ esum;Wonnim nea ɛma wohintiw.
20 Me ba, tie m’asɛm;Yɛ aso tie m’anom nsɛm.
21 Mma wo werɛ mmfi;Fa sie wo koma mu tɔnn.+
22 Ɛyɛ nkwa ma wɔn a wohu,+Na ɛyɛ apɔwmuden ma wɔn nipadua nyinaa.*
23 Bɔ wo koma ho ban sen nea wobɔ ho ban nyinaa,+Efisɛ emu na nkwa nsuti wɔ.
24 Yi nsɛm a akyinkyim* fi w’anom,+Na yi nkontomposɛm fi wo ho kɔ akyirikyiri.
25 Ma w’ani nhwɛ tẽẽ,Yiw, gyen w’ani hwɛ w’anim tẽẽ.+
26 Ma w’anammɔn kwan nyɛ toromtorom,*+Na w’akwan nyinaa besi pi.
27 Mman nkɔ nifa anaa benkum.+
Twe wo nan fi bɔne ho.
Ase Hɔ Nsɛm
^ Anaa “mmara.”
^ Anaa “ade titiriw.”
^ Anaa “wo nkwa mfe bɛdɔɔso.”
^ Anaa “bobesa.”
^ Nt., “wɔn honam nyinaa.”
^ Anaa “nnaadaasɛm.”
^ Ebetumi nso akyerɛ, “Susuw w’anammɔn kwan ho yiye.”
