Amos 1:1-15
1 Amos* a ɔka Tekoa nguanhwɛfo ho no nsɛm ni.+ Onyaa nsɛm no bere a onyaa anisoadehu bi faa Israel ho no. Onyae wɔ Yuda hene Usia+ ne Israel hene Yeroboam+ a ɔyɛ Yoas ba+ no bere so, mfe abien ansa na asaasewosow no reba.+
2 Ɔkae sɛ:
“Yehowa bɛbobom wɔ Sion,Na ɔbɛteɛm wɔ Yerusalem.
Nguanhwɛfo mmoa adidibea no bɛwo,*Na Karmel bepɔw so nwura bɛhyew.”*+
3 “Nea Yehowa aka ni,‘“Damasko bɔne* a ɛto so abiɛsa ne nea ɛto so anan nti, nea maka no, merentwe nsan,Efisɛ wɔde dade a wɔde porow awi faa Gilead so.+
4 Enti mede ogya bɛto Hasael fi mu,+Na ɛbɛhyew Ben-Hadad aban a ɛyɛ den no.+
5 Mebubu nnade a egu Damasko apon akyi;+Mɛsɛe wɔn a wɔtete Bikat-Awen,Ne nea odi hene* wɔ Bet-Eden no.Na wobetu Siriafo ase akɔ Kir,”+ Yehowa asɛm ni.’
6 Nea Yehowa aka ni,‘“Gasa bɔne* a ɛto so abiɛsa+ ne nea ɛto so anan nti, nea maka no, merentwe nsan,Efisɛ wɔde nnipadɔm bi a wɔatu wɔn ase afi wɔn man mu+ kɔmaa Edom.
7 Enti mede ogya bɛto Gasa fasu mu,+Na ɛbɛhyew n’aban a ɛyɛ den no.
8 Na mɛsɛe wɔn a wɔtete Asdod,+Ne nea odi hene* wɔ Askelon no;+Na mɛteɛ me nsa wɔ Ekron so,*+Na Filistifo a aka no bɛyera,”+ Awurade Tumfo Yehowa asɛm ni.’
9 Nea Yehowa aka ni,‘Tiro bɔne* a ɛto so abiɛsa+ ne nea ɛto so anan nti, nea maka no, merentwe nsan,Efisɛ wɔde nnipadɔm bi a wɔatu wɔn ase afi wɔn man mu kɔmaa Edom,Na wɔankae anuanom apam no.+
10 Enti mede ogya bɛto Tiro fasu mu,Na ɛbɛhyew n’aban a ɛyɛ den no.’+
11 Nea Yehowa aka ni,‘Edom bɔne* a ɛto so abiɛsa+ ne nea ɛto so anan nti, nea maka no, merentwe nsan,Efisɛ ɔde sekan dii ɔno ara ne nua akyi,+Na wanhu no mmɔbɔ.Ɔde abufuw tetew wɔn mu daa,
Na ne bo fuw wɔn denneennen bere nyinaa.+
12 Enti mede ogya bɛto Teman,+Na ɛbɛhyew Bosra aban a ɛyɛ den no.’+
13 Nea Yehowa aka ni,‘“Ammonfo bɔne* a ɛto so abiɛsa+ ne nea ɛto so anan nti, nea maka no, merentwe nsan,Efisɛ wɔpaapaee Gilead mmea a wɔnyem mu de trɛw wɔn ahye mu.+
14 Enti mede ogya bɛto Raba fasu mu,+Na ɛbɛhyew n’aban a ɛyɛ den no.Bere a ɔko nteɛteɛm rekɔ so ɔko da no,Bere a mframa kɛse rebɔ ɛda a ahum betu no.
15 Na wobetu wɔn hene ase akɔ obi man so, ɔne ne mpanyimfo nyinaa,”+ Yehowa asɛm ni.’
Ase Hɔ Nsɛm
^ Ɛkyerɛ, “Ɔyɛ Adesoa” anaa “Ɔso Adesoa.”
^ Anaa “bedi awerɛhow.”
^ Anaa “bekisa.”
^ Anaa “atuatew.”
^ Nt., “nea okura ahempoma.”
^ Anaa “atuatew.”
^ Anaa “mɛtwe Ekron aso.”
^ Nt., “nea okura ahempoma.”
^ Anaa “atuatew.”
^ Anaa “atuatew.”
^ Anaa “atuatew.”
