Amos 4:1-13
4 “Muntie asɛm yi, mo, Basan anantwi,Mo a mugu Samaria bepɔw so,+
Mo, mmea a musisi mmɔborɔwafo+ na mohyɛ ahiafo so,Mo a moka kyerɛ mo kununom* sɛ, ‘Momfa biribi mmrɛ yɛn mma yɛnnom!’ no.
2 Awurade Tumfo Yehowa de ne kronkronyɛ aka ntam sɛ,‘“Hwɛ! Nna bi reba. Saa bere no, ɔde nnarewa akɛse bɛtwe mo akɔ,Na mo a mobɛka nso, ɔde nnarewa nketewa bɛtwe mo akɔ.
3 Na mobɛfa ɔfasu mu ntokuru mu, na obiara bɛfa tokuru a ɛwɔ n’anim tẽẽ no mu.Na wɔbɛtow mo akyene Harmon,” Yehowa asɛm ni.’
4 ‘Mommra Betel na mommɛto mmara,*+Mommra Gilgal na mommɛto mmara no bi nka ho!+
Momfa mo afɔre mmra+ anɔpa,
Na momfa mo ntotoso du du* mmra+ ɛda a ɛto so abiɛsa no.
5 Monhyew paanoo a mmɔkaw* wom, na momfa mmɔ aseda afɔre;+
Mommɔ mo ayamye afɔre dawuru mma obiara nte!
Na saa na mopɛ, O Israelfo,’ Awurade Tumfo Yehowa asɛm ni.
6 ‘Na me de, mamma mo aduan biara anni* wɔ mo nkurow no biara mu,Na memaa aduan hoyɛɛ den wɔ mo afinyinaa mu;+
Ne nyinaa akyi, moansan amma me nkyɛn,’+ Yehowa asɛm ni.
7 ‘Afei nso, mamma osu antɔ amma mo abosome abiɛsa ansa na twabere redu;+Memaa osu tɔɔ kurow baako mu, na mamma bi antɔ wɔ kurow foforo mu.
Osu tɔ guu asaase baako so,Na asaase a mamma osu antɔ angu so no, ɛso woe wosee.
8 Nkurow abien anaa abiɛsa mu nnipa kyinkyin kɔpɛ nsu nom wɔ kurow baako mu,+Nanso ɛnso wɔn;
Ne nyinaa akyi, moansan amma me nkyɛn,’+ Yehowa asɛm ni.
9 ‘Memaa owia hyee mo mfuw, na ɔyare tew sii so.+
Moyeyɛɛ bobe mfuw ne mfuw foforo pii,Nanso ntutummɛ wee mo borɔdɔma nnua ne mo ngo nnua nyinaa;+Nanso ne nyinaa akyi, moansan amma me nkyɛn,’+ Yehowa asɛm ni.
10 ‘Memaa nsanyare a edi awu a ɛte sɛ nea ɛbaa Egypt no bi baa mo so.+
Mede sekan kunkum mo mmerante,+ na mefaa mo apɔnkɔ.+
Memaa mo asoɛe bɔnee kankaankan kɔɔ mo hwenem;+Ne nyinaa akyi, moansan amma me nkyɛn,’ Yehowa asɛm ni.
11 ‘Medan mo butuwii,Sɛnea Onyankopɔn dan Sodom ne Gomora butuwii no.+
Na moyɛɛ sɛ dua a wɔahwim afi ogya mu;Ne nyinaa akyi, moansan amma me nkyɛn,’+ Yehowa asɛm ni.
12 Enti nea mede bɛyɛ wo ni, O Israel.
Nea mede rebɛyɛ wo nti,Boaboa wo ho kohyia wo Nyankopɔn, O Israel.
13 Efisɛ hwɛ! Ɔno na ɔnwenee mmepɔw+ na ɔbɔɔ mframa;+Ɔka Ne tirim asɛm kyerɛ nnipa,
Ɔma adekyee dan sum,+Na otiatia asaase so nkoko so;+Ne din ne Yehowa, asafo Nyankopɔn no.”
Ase Hɔ Nsɛm
^ Anaa “mo wuranom.”
^ Anaa “mommɛtew atua.”
^ Anaa “taet.”
^ Biribi a ɛma esiam tu anaasɛ ɛma ɛkaw.
^ Anaa “mamma aduan anka mo se.”
