Hosea 12:1-14
12 “Efraim aduan ne mframa.
Apuei mframa akyi na odi daa.
Wama atoro ne awudisɛm adɔɔso.
Wɔne Asiria yɛ apam,+ na wɔde ngo kɔ Egypt.+
2 Yehowa ne Yuda anya asɛm;+Ɔbɛma Yakob abu n’akwan ho akontaa,Na obetua no ka sɛnea ne nnwuma te.+
3 Yafunu mu na osoo ne nua nantin,+Na ɔde n’ahoɔden ne Onyankopɔn peree so.+
4 Ɔne ɔbɔfo peree so kosii sɛ odii nkonim.
Osui, na ɔpaa no kyɛw sɛ onhyira no.”+
Ohuu no wɔ Betel, na ɛhɔ na Ɔne yɛn kasae.+
5 Yehowa yɛ asafo Nyankopɔn,+Yehowa ne edin a wɔde kae no.+
6 “Enti san bra wo Nyankopɔn nkyɛn.+Kɔ so da ɔdɔ a enni huammɔ ne atɛntrenee adi,+Na fa w’ani to wo Nyankopɔn so daa.
7 Atoro nsenia* wɔ oguadini nsam;Nsisi yɛ no dɛ.+
8 Efraim keka sɛ, ‘Manya me ho tam;+Manya ahode pii.+
Na me brɛ nyinaa mu, wobehu sɛ manni mfomso, na manyɛ bɔne biara.’
9 Mene Yehowa wo Nyankopɔn fi Egypt asaase so.+
Mɛsan ama woatena ntamadan muTe sɛ nna a wɔahyɛ no.*
10 Me ne adiyifo no kasae,+Memaa wɔn anisoadehu dɔɔso,Na menam adiyifo so yɛɛ mfatoho pii.
11 Nnaadaa* ne atosɛm aba Gilead.+
Wɔde anantwi abɔ afɔre wɔ Gilgal,+Na wɔn afɔremuka te sɛ abo a esum afuw mu nkofi so.+
12 Yakob guan kɔɔ Aram* asaase so,*+Na ɔyere nti,+ Israel+ somee wɔ hɔ,Ɔyere nti, ɔhwɛɛ nguan.+
13 Yehowa nam odiyifo so yii Israel fii Egypt,+Na ɔnam odiyifo so hwɛɛ no so.+
14 Efraim ahyɛ Onyankopɔn abufuw paa;+Ne mogyahwiegu aka no so;N’animguase nti, ne Wura betua no ka.”+
Ase Hɔ Nsɛm
^ Ade a wɔde susuw biribi mu duru.
^ Ebetumi nso akyerɛ, “afahyɛ.”
^ Anaa “Abusude; Nkonyaa.”
^ Anaa “Siria.”
^ Nt., “afuw mu.”
