Hosea 13:1-16
13 “Sɛ Efraim kasa a, ná nnipa ho popo;Ná ɔyɛ otitiriw* wɔ Israel.+
Nanso Baal nti, odii fɔ,+ na owui.
2 Wɔasan ayɛ bɔne bio,Wɔde wɔn dwetɛ ayeyɛ ahoni;*+Wɔtɔ wɔn bo ase yɛ abosom; ne nyinaa yɛ adwumfo nsa ano adwuma.
Na wɔka kyerɛ wɔn sɛ, ‘Nnipa a wɔbɔ afɔre no, ma wɔmfew anantwi mma no ano.’+
3 Enti wɔbɛyɛ sɛ anɔpa mununkum,Te sɛ obosu a ɛyera ntɛm,Te sɛ ntɛtɛwa a mframa bɔ fi awiporowbea,Na wɔbɛyɛ sɛ wusiw a epue fi tokuru mu wɔ ɔdan atifi.
4 Nanso mene Yehowa wo Nyankopɔn fi Egypt asaase so,+Ná wunnim Onyankopɔn foforo biara ka me ho,Na ogyefo biara nni hɔ sɛ me.+
5 Bere a wowɔ sare so, asaase a ɛso awo so no, na minim wo.+
6 Wɔn asaase pa* nti, wodidi mee,+Wɔmee, na wɔn koma yɛɛ ahantan.
Ɛno nti, wɔn werɛ fii me.+
7 Afei mɛba wɔn so sɛ gyata a ne ho yɛ den,+Te sɛ ɔsebɔ a ɔtetɛw kwankyɛn.
8 Mɛtow ahyɛ wɔn so te sɛ osisi a ne mma ayera,Na metu wɔn koko mu tokuru.*
Na mɛwe wɔn wɔ hɔ te sɛ gyata;Na wuram aboa bɛtetew wɔn mu pasapasa.
9 O Israel, ɛbɛsɛe wo,Efisɛ woasɔre atia me, me a meyɛ wo boafo no.
10 Afei wo hene no wɔ he? Ma onnye wo wɔ wo nkurow nyinaa mu ɛ.+Na wo mpanyimfo* a wokaa wɔn ho asɛm sɛ,‘Ma me ɔhene ne abirɛmpɔn’ no wɔ he?+
11 M’abufuw mu na memaa mo ɔhene,+Na m’anibere mu na mɛfa no akɔ.+
12 Wɔakyekyere Efraim amumɔyɛ;Wɔakora ne bɔne so.
13 Ɔbɛte yaw te sɛ ɔbea a ɔrewo.
Nanso ɔyɛ ɔba a onnim nyansa;Sɛ bere so sɛ wɔwo no a, ɔremma.
14 Megye wɔn afi Ɔdamoa* nsam;Meyi wɔn afi owu mu.+
Owu, ade a wode wowɔ no wɔ he?+
Ɔdamoa, nea wode sɛe ade no wɔ he?+
Mmɔborɔhunu bɛyera afi m’anim.
15 Sɛ ɔsow aba te sɛ demmire* mpo a,Apuei mframa, Yehowa mframa, bɛba.Efi sare so reba, na ɛbɛma n’abura mu nsu ayow, na n’asuti betwa.
Ɔno na ɔbɛfa n’agyapade a ɛsom bo a ɔde asie nyinaa.+
16 Wobebu Samaria fɔ,+ efisɛ wasɔre atia ne Nyankopɔn.+
Wɔde sekan bekunkum wɔn.+Wɔde wɔn mma bɛhwehwe hɔ apɛtɛw wɔn,Na wɔbɛpaapae wɔn mmea a wɔnyem mu.”
Ase Hɔ Nsɛm
^ Anaa “ɔwɔ tumi.”
^ Anaa “ahoni a wɔagu.”
^ Anaa “mmoa adidibea frɔmfrɔm.”
^ Nt., “mɛtetew nea edura wɔn koma ho no mu.”
^ Nt., “w’atemmufo.”
^ Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
^ Ɛyɛ afifide bi a ɛwɔ nsu ho.
