Hosea 14:1-9
14 “O Israel, san bra Yehowa wo Nyankopɔn nkyɛn,+Efisɛ wo bɔne ama woahwe ase.*
2 Monsan mmra Yehowa nkyɛn, na monka nkyerɛ no sɛ:‘Fa yɛn bɔne kyɛ yɛn,+ na gye nea eye,Na yɛde yɛn ano beyi wo ayɛ+ sɛnea yɛde anantwinini bɔ afɔre no.*
3 Asiria rennye yɛn nkwa.+
Yɛrentena apɔnkɔ so,+Na yɛrenka nkyerɛ yɛn nsa ano adwuma bio sɛ, “O yɛn Nyankopɔn!”Efisɛ wo na wuhu agyanka mmɔbɔ.’+
4 Mɛsa wɔn yare, na wɔremfi m’akyi bio.+
Meyi me yam adɔ wɔn,+Efisɛ m’abufuw adan afi no so.+
5 Mɛyɛ sɛ obosu ama Israel;Ɔbɛyɛ frɔmm sɛ nhwiren,Na mɛma ne ntini akɔ fam* te sɛ Lebanon nnua.
6 Ne nkorabata bɛtrɛtrɛw,*Na n’anuonyam ayɛ sɛ ngodua,Na ayi hua sɛ Lebanon dua.
7 Wɔbɛsan atena ne nwini ase bio.
Wobedua hwiit,* na wɔbɛfefɛw sɛ bobe.+
Obegye din* sɛ Lebanon bobesa.
8 Efraim bɛka sɛ, ‘Dɛn bio na me ne ahoni wɔ yɛ?’+
Mɛma mmuae, na mahwɛ no so.+
Mɛyɛ sɛ ɔpopaw dua frɔmfrɔm.
Me so na wubenya w’aba.”
9 Hena na ɔyɛ onyansafo? Ma ɔnte nsɛm yi ase.
Hena na ɔyɛ ɔbadwemma? Ma onhu.
Efisɛ Yehowa akwan teɛ,+Na atreneefo na wɔbɛfa so.Na mmaratofo de, wɔbɛhwe ase* wɔ so.
Ase Hɔ Nsɛm
^ Anaa “woawatiriw.”
^ Nt., “yɛde yɛn ano bɛyɛ anantwinini abɛbɔ afɔre ama wo.”
^ Anaa “mɛma wagye ntini.”
^ Anaa “bɛdennan.”
^ Ebetumi aba sɛ ɛyɛ baali.
^ Nt., “Obenya nkae.”
^ Anaa “wɔbɛwatiriw.”
