Hosea 5:1-15
-
Wobebu Efraim ne Yuda atɛn (1-15)
5 “Asɔfo, muntie;+O Israel fi, monyɛ aso,O ɔhene fifo, muntie,Na atemmu no fa mo ho;Efisɛ moyɛ afiri ma Mispa,Na moyɛ atena* a wɔatrɛw mu agu Tabor so.+
2 Na wɔn a wɔaman* no, akunkumakunkum* adi wɔn ti,Na merebɔ wɔn nyinaa kɔkɔ.*
3 Minim Efraim,Na Israel nso, m’ani tua no.
Na wo, O Efraim, woabɔ aguaman;Israel agu ne ho fĩ.+
4 Wɔn nneyɛe nti, wontumi nsan mma wɔn Nyankopɔn nkyɛn,Efisɛ aguamammɔ* honhom wɔ wɔn mu;+Na wɔmfa Yehowa nyɛ hwee.
5 Israel ahantan adi adanse atia no;*+Israel ne Efraim nyinaa bɔne ama wɔahintiw,Na Yuda nso ne wɔn ahintiw.+
6 Wɔde wɔn nguan ne wɔn anantwi kɔhwehwɛɛ Yehowa,Nanso wɔanhu no,
Efisɛ na watwe ne ho afi wɔn ho.+
7 Wɔayi Yehowa ama,+Efisɛ wɔawowo ananafo mma.
Enti bosome baako bɛmene wɔne wɔn agyapade* nyinaa.*
8 Mommɔ abɛn+ wɔ Gibea, monhyɛn torobɛnto wɔ Rama!+
Monteɛm denneennen wɔ Bet-Awen;+ O Benyamin, di anim!
9 O Efraim, da a wɔbɛtwe w’aso no, nkurɔfo behu wo abɔ hu,+
Mama Israel mmusuakuw ahu nea ɛbɛba wɔn so ɔkwan biara so.
10 Yuda abirɛmpɔn te sɛ wɔn a wopiapia ɔhye.+
Mehwie m’abufuw agu wɔn so te sɛ nsu.
11 Wɔahyɛ Efraim so, na wɔabu no atɛn ama wabubu,Efisɛ osii ne bo sɛ obedi ne tamfo akyi.+
12 Enti meyɛe sɛ nwewemmoa maa Efraim,Na meyɛe sɛ ɔporɔw maa Yuda fi.
13 Bere a Efraim huu ne yare, na Yuda huu ne kuru no,Efraim kɔɔ Asiria,+ na ɔsoma kɔɔ ɔhenkɛse bi nkyɛn.
Nanso wantumi ansa mo yare,Na wantumi amma mo kuru no anwu.
14 Na mɛyɛ sɛ gyata a ogyina ne nan so ama Efraim,Na mɛyɛ sɛ gyata* a ne ho yɛ den ama Yuda fi.
Me ara mɛtetew wɔn mu na makɔ;+Mede wɔn bɛkɔ, na obiara rentumi nnye wɔn.+
15 Mɛkɔ, mɛsan akɔ me tenabea akosi sɛ wobetwa wɔn bɔne so aba,Na wɔbɛba abɛhwehwɛ m’anim dom.*+
Sɛ ebi kã wɔn ani a, wɔbɛhwehwɛ m’akyi kwan.”+
Ase Hɔ Nsɛm
^ Anaa “asau.”
^ Anaa “wɔn a wɔatew atua.”
^ Ebetumi akyerɛ mmoa anaa nnipa a wokunkum wɔn.
^ Anaa “mɛteɛ wɔn nyinaa so.”
^ Anaa “ɔbrabɔne.”
^ Nt., “n’anim.”
^ Anaa “nsaase.”
^ Ebetumi nso akyerɛ, “Wɔbɛmene wɔn bosome baako mu.”
^ Anaa “gyatanini.”
^ Nt., “m’anim.”
