Nnwom 145:1-21
Dawid ayeyi dwom.
א [Aleph]
145 O me Nyankopɔn ne me hene, mɛkamfo wo;+Meyi wo din ayɛ daa daa.+
ב [Beth]
2 Meyi wo ayɛ daa nyinaa;+Meyi wo din ayɛ daa daa.+
ג [Gimel]
3 Yehowa yɛ kɛse na ɔfata ayeyi paa;+Yɛrentumi nhwehwɛ ne kɛseyɛ mu nwie.*+
ד [Daleth]
4 Awo ntoatoaso nyinaa bɛkamfo wo nnwuma,Na wɔbɛka wo nnwuma akɛse ho asɛm.+
ה [He]
5 Wɔbɛka w’anuonyam ne wo kɛseyɛ ho asɛm,+Na medwinnwen w’anwonwadwuma ho.
ו [Waw]
6 Wɔbɛka wo nnwuma akɛse* no ho asɛm,Na me nso mɛka wo kɛseyɛ ho asɛm.
ז [Zayin]
7 Wɔkae wo papayɛ bebrebe no a, wɔbɛka ho asɛm pii,+Na wo trenee nti wɔbɛbɔ ose.+
ח [Heth]
8 Yehowa wɔ ayamhyehye* ne mmɔborɔhunu,+Ne bo mfuw ntɛm, na ne dɔ a enni huammɔ nni ano.+
ט [Teth]
9 Yehowa da ne papayɛ adi kyerɛ obiara,+Na ne nnwuma nyinaa kyerɛ sɛ ɔwɔ mmɔborɔhunu.
י [Yod]
10 O Yehowa, wo nnwuma nyinaa bɛhyɛ wo anuonyam,+Na w’anokwafo beyi wo ayɛ.+
כ [Kaph]
11 Wo tumidi a ɛho wɔ nyam no, wɔbɛbɔ no dawuru,+Na wɔaka wo kɛseyɛ nso ho asɛm+
ל [Lamed]
12 Ama nnipa ahu wo nnwuma akɛse,+W’anuonyam, ne wo tumidi.+
מ [Mem]
13 Wo tumidi yɛ daa tumidi,Na awo ntoatoaso nyinaa mu wudi hene.+
ס [Samekh]
14 Wɔn a wɔrehwe ase nyinaa Yehowa so wɔn mu,+Na ɔma wɔn a wɔahodwow nyinaa so gyina hɔ.+
ע [Ayin]
15 Wo na obiara ani da wo so,Na woma wɔn aduan bere a ɛsɛ mu.+
פ [Pe]
16 Wubue wo nsamNa woma ɔteasefo biara nya nea ohia nyinaa.+
צ [Tsade]
17 Yehowa yɛ ɔtreneeni wɔ n’akwan nyinaa mu,+Na odi nokware wɔ biribiara a ɔyɛ mu.+
ק [Qoph]
18 Yehowa bɛn wɔn a wɔfrɛ no nyinaa;+Ɔbɛn wɔn a wɔfrɛ no nokwaredi mu* nyinaa.+
ר [Resh]
19 Ɔma wɔn a wosuro no nya nea wohia nyinaa;+Otie wɔn sufrɛ, na ogye wɔn.+
ש [Shin]
20 Yehowa wɛn wɔn a wɔdɔ no nyinaa,+Na nnebɔneyɛfo de, ɔbɛsɛe wɔn nyinaa.+
ת [Taw]
21 Mede m’ano beyi Yehowa ayɛ.+Ma ateasefo* nyinaa nyi ne din kronkron no ayɛ daa daa.+
Ase Hɔ Nsɛm
^ Anaa “Ne kɛseyɛ boro yɛn ntease so.”
^ Anaa “wo tumi a ɛyɛ hu.”
^ Anaa “Yehowa yɛ ɔdomfo.”
^ Anaa “woyi wɔn yam frɛ no.”
^ Nt., “ɔhonam.”
