Nnwom 48:1-14
Dwom. Kora mma dwom.+
48 Yehowa yɛ kɛse, na ɔfata ayeyi paaWɔ yɛn Nyankopɔn kurow mu, wɔ ne bepɔw kronkron no so.
2 Bepɔw so kurow fɛfɛ, nea ɛma asaase sofo nyinaa ani gye,+Ɛno ne Sion Bepɔw a ɛwɔ atifi fam noho,Ɔhenkɛse no kurow no.+
3 Kurow no abannennen mu no,Onyankopɔn ada ne ho adi sɛ ɔyɛ guankɔbea.*+
4 Hwɛ! Ahemfo ahyiam,*Wɔabom yuu rekɔ wɔn anim.
5 Wohui no, wɔn ho dwiriw wɔn.
Wɔbɔɔ hu na wɔde ahopopo guanee.
6 Wɔn ho wosowee biribiribiri wɔ hɔ,Wɔn ho yeraw wɔn te sɛ ɔbea a ɔrewo.
7 Wode apuei mframa sɛe Tarsis po so ahyɛn.
8 Nea yɛate no, afei de yɛde yɛn ani ahuWɔ asafo Yehowa kurow, yɛn Nyankopɔn kurow no mu.
Onyankopɔn bɛma kurow yi atim hɔ daa.+ (Sela)
9 O Onyankopɔn, yedwinnwen wo dɔ a enni huammɔ no ho+Wɔ w’asɔrefi hɔ.
10 O Onyankopɔn, sɛnea wo din kodu asaase ano noho no,+Saa ara na w’ayeyi nso kodu asaase ano noho.
Trenee ahyɛ wo nsa nifa ma.+
11 Ma Sion Bepɔw+ nni ahurusi;W’atemmu nti, ma Yuda nkurow* ani nnye.+
12 Muntwa Sion ho nhyia; momfa ho nyinaa nhyia.Monkan n’abantenten.+
13 Momfa mo ani nsi n’akoban* no so,+
Monhwɛ n’abannennen,Na moatumi aka akyerɛ nkyirimma.
14 Na Onyankopɔn a ɔyɛɛ eyi nyinaa no ne yɛn Nyankopɔn+ daa daa.
Ɔno na ɔbɛkyerɛ yɛn kwan daa nyinaa.*+
Ase Hɔ Nsɛm
^ Anaa “ɔyɛ abantenten.”
^ Anaa “ayɛ nhyehyɛe ahyia.”
^ Nt., “mma mmea.”
^ Esiw anaa ɔfasu a wogyina so ko anaa wɔde bɔ kurow ho ban.
^ Ebetumi nso akyerɛ, “de akosi owu mu.”
