Nnwom 65:1-13
Wɔde ma dwom kyerɛfo. Dawid dwom. Ayeyi dwom.
65 O Onyankopɔn, ayeyi retwɛn wo wɔ Sion;+Yɛahyɛ wo bɔ, na yebedi so.+
2 O mpaebɔ Tiefo, wo nkyɛn na nnipa a wofi mmaa* nyinaa bɛba.+
3 Me mfomso aboro me so,+Nanso wokata yɛn mmarato so.+
4 Anigye ne onipa a wopaw no na woma ɔba wo nkyɛnBɛtena wo fi adiwo.+
Wo fi nneɛma pa bɛmee yɛn+Wɔ w’asɔrefi kronkron* no mu.+
5 O yɛn nkwagye Nyankopɔn,Wobɛyɛ trenee nnwuma akɛse+ de abua yɛn adesrɛ;Wɔn a wɔtete asaase ano+Ne wɔn a wɔwɔ po so akyirikyiri nyinaa, wone wɔn Ahotoso.
6 Wode w’ahoɔden* maa mmepɔw timii;Woahyɛ* tumi sɛ ataade.+
7 Woma* ɛpo a ɛrehuru yɛ dinn,+Na asorɔkye a ɛrebu fa so ne amanaman gyegyeegye nso brɛ ase.+
8 Wo nsɛnkyerɛnne bɛma wɔn a wɔtete akyirikyiri ho adwiriw wɔn;+Wobɛma wɔn a wɔtete apuei ne atɔe abɔ ose.
9 Woma asaase nya nea ehia;Ɛsow aba pii ma ɛyɛ frɔmfrɔm.+
Asuten a efi Onyankopɔn hɔ mu nsu dɔɔso.Woma nnipa nya aduan;+Saa na woayɛ asaase no.
10 Woma nsu yeyɛ n’aka ma, na asaase a wɔafuntum nso, woma ɛda so kama;Woma osu tɔ gu so ma ɛyɛ mmerɛw; wuhyira n’afifide so ma enyin.+
11 Wode wo papayɛ bɔ afe no abotiri;Baabi a wobɛfa biara, nneɛma pa nko ara na edi w’akyi.*+
12 Nneɛma pa abu so* wɔ mmoa adidibea a ɛwɔ sare so,+Na nkoko ahyɛ ahurusidi sɛ ataade.+
13 Nguan ayɛ ma wɔ wɔn adidibea,Abon nyinaa, hwiit* ayɛ mu ma.*+
Asaase no nyinaa bɔ ose, ɛto dwom.+
Ase Hɔ Nsɛm
^ Nt., “wo nkyɛn na ɔhonam.”
^ Anaa “wo tenabea kronkron.”
^ Nt., “Wahyɛ.”
^ Nt., “Ɔde n’ahoɔden.”
^ Nt., “Ɔma.”
^ Nt., “srade sosɔ wɔ w’akyi.”
^ Nt., “sosɔ.”
^ Ebetumi aba sɛ ɛyɛ baali.
^ Anaa “Asaasetraa nyinaa, nnɔbae ayɛ so ma.”
