Nnwom 82:1-8
Asaf dwom.+
82 Onyankopɔn gyina ne gyinabea wɔ ne guabɔ* anim;+Ɔka atemmusɛm wɔ anyame* no mfinimfini sɛ:+
2 “Mubebu ntɛnkyea akosi da bɛn?+Na mobɛyɛ animhwɛ adi ama nnebɔneyɛfo akosi da bɛn?+ (Sela)
3 Munni mmɔborɔwafo ne nnyanka asɛm mma wɔn.+
Mummu atɛntrenee mma abrɛfo ne ahiafo.+
4 Muntwitwa nnye mmɔborɔwafo ne ahiafo;Munnye wɔn mfi nnebɔneyɛfo nsam.”
5 Atemmufo no nnim, na wɔnte ase nso;+Esum mu na wɔnenam;Asaase fapem nyinaa rehinhim.+
6 “Maka sɛ, ‘Moyɛ anyame;*+Mo nyinaa yɛ Ɔsorosoroni no mma.
7 Nanso mubewu sɛnea onipa wu,+Na sɛnea otitiriw biara wu no, saa ara na mubewu!’”+
8 O Onyankopɔn, sɔre na bu asaase atɛn,+Na aman nyinaa yɛ wo dea.
Ase Hɔ Nsɛm
^ Anaa “Tweaduampɔn guabɔ.”
^ Anaa “wɔn a wɔte sɛ anyame.”
^ Anaa “wɔn a wɔte sɛ anyame.”
