Nnwom 95:1-11
95 Mommra, momma yɛmfa ahurusi nyi Yehowa ayɛ!
Momma yɛmmɔ ose mma yɛn nkwagye Botan no.+
2 Momma yɛnkɔ n’anim nkɔda no ase;+Momma yɛnto dwom mma no na yɛmmɔ no ose.
3 Efisɛ Yehowa yɛ Onyankopɔn kɛseNe Ɔhenkɛse a ɔkyɛn anyame nyinaa.+
4 Abon a ɛwɔ asaase ase tɔnn no, ne nsam na ɛwɔ;Mmepɔw atenten nso yɛ ne dea;+
5 Ɔno na ɔyɛɛ ɛpo, na ɛyɛ ne dea;+Ne nsa na ɛyɛɛ asaase kesee.+
6 Mommra, momma yɛnsom no na yɛmmɔ yɛn mu ase mma no;Momma yɛnkotow yɛn Bɔfo Yehowa anim.+
7 Ɔno ne yɛn Nyankopɔn,Na yɛyɛ ne nkurɔfo a ɔhwɛ yɛn soNe ne nguan a ɔyɛn yɛn.*+
Ɛnnɛ, sɛ mote ne nne a,+
8 Mummpirim mo koma sɛnea esii wɔ Meriba,*+Sɛnea ɛkɔɔ so Masa* da no wɔ sare so hɔ no;+
9 Saa bere no, mo agyanom sɔɔ me hwɛe;+Ná wɔahu me nnwuma, nanso wogyigyee me.+
10 Awo ntoatoaso yi ho yɛɛ me abofono mfe 40, na mekae sɛ:
“Wɔyɛ ɔman a daa wɔfom kwan wɔ wɔn koma mu,Na wonhuu m’akwan.”
11 Enti mede abufuw kaa ntam sɛ:
“Wɔrenkɔ me home mu.”+
