Solomon Dwom 4:1-16
4 “Hwɛ, me komam hemmaa, wo ho yɛ fɛ!
Mise, ahoɔfɛ aguare wo!
W’ani te sɛ aburuburuw ani wɔ wo nkataanim mu.
Wo nwi yɛ fɛ te sɛ mpɔnkye a wɔabom yuuA wɔresian Gilead mmepɔw.+
2 Wo se yɛ fɛ te sɛ nguankuw a wɔatwitwa wɔn ho nwi foforoA wɔaguare wɔn seesei ara,Nguan a wɔn nyinaa awowo ntaA obiara ba nwui.
3 W’ano yɛ fɛ te sɛ hama kɔkɔɔ,Na w’anom kasa yɛ dɛ.
W’afono* yɛ fɛ wɔ wo nkataanim mu;Ɛte sɛ granate akutu* a wɔapae mu.
4 Wo kɔn+ te sɛ Dawid abantenten,+Abantenten a wɔde abo ahyehyɛ,Abantenten a akyɛm apem sensɛn ho,Mmarima akatakyi akyɛm nyinaa.+
5 Wo nufu abien no te sɛ atwe nkumaa abien,Ɔtwe mma ntaafo+A wɔredidi wɔ nhwiren* mu.”
6 “Mɛkɔ kurobow bepɔw so,Na makɔ ɛhyɛ* bepɔw* so+Ansa na mframa abɔ brɛoo,* na sunsuma ayera.”
7 “Me komam hemmaa, wo ho yɛ fɛ fi soro besi fam,+Dɛm biara nni wo ho.
8 M’ayeforo, bra ma yemfi Lebanon,Bra ma yemfi Lebanon+ nkɔ.
Sian fi Amana* atifi,Sian fi Senir atifi; fi Hermon+ atifi sian,Fi agyata buw no mu, na fi asebɔ mmepɔw no so sian.
9 Me nuabea, m’ayeforo, woawia me koma,+Wode w’ani ahwɛ me baako pɛ de awia me koma;Ade baako a ɛda wo kɔnmuade ano nti, me koma anan.
10 Wo dɔ yɛ fɛ,+ me nuabea, m’ayeforo!
Wo dɔ yɛ dɛ koraa sen nsã,*+Na wo sradehuam yɛ huam sen aduhuam biara!+
11 M’ayeforo, ɛwo sosɔ fi w’ano.*+
Ɛwo ne nufusu wɔ wo tɛkrɛma ase,+Na wo ntaade mu yɛ huam te sɛ Lebanon hua.
12 Me nuabea no, m’ayeforo no, ɔte sɛ turo a wɔato mu,Turo a wɔato mu, asuti a wɔatua ano.
13 Wo nkorabata* asow granate akutu dɔsɔɔ; ɛte sɛ paradise.*Nnuaba pa nko ara na ɛwom; lele ne nardo,
14 Nardo+ ne safron, sibiri huamhuam*+ ne sinamon,+Ne ɛhyɛ* nnua nyinaa, kurobow ne pɛprɛ,+Ne nnuhuam mu nnuhuam nyinaa.+
15 Wote sɛ turom asuti, asubura a ɛma nsupa,Ne nsu a ɛtene fi Lebanon.+
16 Atifi mframa, sɔre ɛ;Anaafo mframa, bra.
Bɛhome* gu me turo so.
Ma ne huam nnye baabiara.”
“Ma me dɔfo mmra ne turomNa ommedi emu nnuaba pa.”
Ase Hɔ Nsɛm
^ Anaa “W’asontɔrem.”
^ Anaa “pomegranate.”
^ Anaa “sukooko.”
^ Hwɛ Nkyerɛkyerɛmu afã hɔ.
^ Nt., “ɛda no ahome.” Anaa “onwini adwo.”
^ Anaa “koko.”
^ Anaa “Mmepɔw a Ɛne Lebanon Mmepɔw Di Nhwɛanim no.”
^ Anaa “bobesa.”
^ Anaa “w’ano sosɔ sɛ ɛwokyɛm.”
^ Ebetumi nso akyerɛ, “honam.”
^ Anaa “turo.”
^ Ɛyɛ afifide bi a ɛyɛ huam. Nanso obiara nhyɛ da nnim afifide pɔtee a ɛyɛ.
^ Hwɛ Nkyerɛkyerɛmu afã hɔ.
^ Anaa “Bɛbɔ brɛoo.”
