Solomon Dwom 6:1-13
6 “O mmea mu hoɔfɛfo,Ɛhe na wo dɔfo kɔ?
Ɛhe na wo dɔfo de n’ani akyerɛ?
Ma yɛne wo nyinaa nkɔhwehwɛ no.”
2 “Me dɔfo asian kɔ ne turo mu,Ɔkɔ baabi a aduhuam nkofi wɔ.Ɔrekɔhwɛ ne nguan wɔ nturo no muNa watetew nhwiren.*+
3 Mewɔ hɔ ma me dɔfo,Na me dɔfo nso wɔ hɔ ma me.+
Ɔrehwɛ ne nguan wɔ nhwiren* mu.”+
4 “Me komam hemmaa,+ wo ho yɛ fɛ te sɛ Tirsa,*+Wo ho twa te sɛ Yerusalem,+Wote sɛ asraafodɔm a wɔahyia wɔ wɔn frankaa ase; mihu wo a, na mabɔ birim.+
5 Yi w’ani+ fi m’anim,Na ɛregyigye me.
Wo nwi yɛ fɛ te sɛ mpɔnkye a wɔabom yuuA wɔresian Gilead mmepɔw.+
6 Wo se yɛ fɛ te sɛ nguankuwA wɔaguare wɔn seesei ara,Nguan a wɔn nyinaa awowo ntaA obiara ba nwui.
7 W’afono* yɛ fɛ wo nkataanim mu;Ɛte sɛ granate akutu* a wɔapae mu.
8 Ahemmaa 60,Mpenafo* 80,Ne mmabaa pii wɔ hɔ de,+
9 Nanso baako pɛ na ɔyɛ m’aburuburuw+ a ne ho twa.*
Ɔno na ɔda ne maame koma so,
Ɔyɛ ne maame a ɔwoo no no dɔba.*
Mmabaa hu no, na woyi no ayɛ;Ahemmaa ne mpenafo hu no, na wɔkamfo no.
10 ‘Ɔbea bɛn na ɔhyerɛn* sɛ adekyee,A ne ho yɛ fɛ te sɛ ɔsram a atwa puruw yi?Ɔhyerɛn sɛ owia;Ɔte sɛ asraafodɔm a wɔahyia wɔ wɔn frankaa ase; wuhu no a, na woabɔ birim.’”+
11 “Misian kɔɔ atea* turom+Kɔhwɛɛ nnua a afefɛw wɔ subon mu,Mekɔhwɛe sɛ bobe afefɛw anaa,Mekɔhwɛe sɛ granate akutu nnua agu nhwiren anaa.
12 Bere a m’ani baa me ho so no,Na ahwehwɛ-ahwehwɛ*De me akopue me man adehye* nteaseɛnam so.”
13 “O Sulamni ababaa, san bra, san bra!
San bra, san bra ɛ!Bra ma yɛnhwɛ w’ahoɔfɛ!”
“Adɛn nti na mohwɛ Sulamni ababaa no saa?”+
“Ɔte sɛ akuw abien asaw!”*
Ase Hɔ Nsɛm
^ Anaa “sukooko.”
^ Anaa “sukooko.”
^ Anaa “Anika Kurow.”
^ Anaa “pomegranate.”
^ Anaa “W’asontɔrem.”
^ Tete mmere mu no, na wɔyɛ mmea a wɔto aware so, kyerɛ sɛ, mmea a nkurɔfo aware wɔn aka wɔn yere ho.
^ Anaa “dɛm biara nni ne ho.”
^ Nt., “nea asɛm biara nni ne ho.”
^ Nt., “ɔhwɛ fam.”
^ Ná dua a wɔreka ho asɛm yi wɔ Israel, na ɛte sɛ atea.
^ Anaa “me kra.”
^ Anaa “ayamyefo.”
^ Anaa “Ɔte sɛ Mahanaim asaw!”
