Solomon Dwom 7:1-13
7 “O ababaa, ɔdehye,Wo nan ne mpaboa, ɛyɛ fɛ sɛ!
Wo srɛ yɛ fɛ te sɛ agude,Ɛte sɛ odwumfo nsa ano adwuma.
2 Wo funuma te sɛ kora kurukuruwa.
Nsã* a wɔafra rempa mu da.
Wo yafunu te sɛ hwiit a esum hɔ,A nhwiren* atwa ho ahyia.
3 Wo nufu abien no te sɛ atwe nkumaa abien,Ɔtwe mma ntaafo.+
4 Wo kɔn+ te sɛ abantenten a wɔde asonse* asi.+
W’ani+ te sɛ Hesbon+ atare,A ɛwɔ Bat-Rabim pon ano.
Wo hwene te sɛ Lebanon abantentenA ɛhwɛ Damasko.
5 Wo ti a esi wo kɔn so te sɛ Karmel,+Na wo ti nwi*+ a egu w’akyi te sɛ ntama afasebiri.+
Nwi a egu wo kɔn akyi nti, ɔhene nte wo ho gyae.
6 Wo ho yɛ fɛ, na wo ho yɛ anika,O ababaa a medɔ wo; wokyɛn afɛfɛde nyinaa!
7 Wo nipadua te sɛ abɛ dua,Na wo nufu te sɛ adobɛ siaw.+
8 Mekae sɛ, ‘Mɛforo abɛ dua no,Na makoso ne mpopa mu.’
Ma wo nufu nyɛ sɛ bobe siaw,Na wo hwenem hua nyɛ sɛ aprɛ,
9 Na w’anom* nyɛ te sɛ nsã* papa paa.”
“Ma ɛnkɔ yɔɔ mma me dɔfo,Na ɛnsɔn ngu wɔn a wɔada anom brɛoo.
10 Mewɔ hɔ ma me dɔfo,+Wanhu me a, ontumi ntena.
11 O me dɔfo, braMa yɛnkɔ wuram;Ma yɛnkɔtena lele* nnua ase.+
12 Ma yɛnsɔre anɔpatutuutu na yɛnkɔ bobefuw* mu,Ma yɛnkɔhwɛ sɛ bobe afefɛw anaa,Ma yɛnkɔhwɛ sɛ agu nhwiren anaa,+Na yɛnhwɛ sɛ granate akutu* nso agu nhwiren anaa.+
Ɛhɔ na mɛkyerɛ wo me dɔ.+
13 Dudayim*+ nnuaba hua agye baabiara;Na nnuaba pa nyinaa bi wɔ yɛn apon ano.+
Foforo ne dedaw nyinaa,Mede asie ama wo, O me dɔfo.
Ase Hɔ Nsɛm
^ Anaa “Bobesa.”
^ Anaa “sukooko.”
^ Anaa “asono se.”
^ Nt., “wo ti.”
^ Nt., “wo dodom.”
^ Anaa “bobesa.”
^ Dua bi a wɔyam n’ahaban de yeyɛ nsa ne nan ho ma ɛyɛ kɔkɔɔ. Wotumi nso de hyɛ nneɛma foforo ma ɛyɛ kɔɔ.
^ Anaa “bobeturo.”
^ Anaa “pomegranate.”
^ Ɛyɛ afifide bi a ɛte sɛ ntɔmmɔ anaa santom a ɛsow aba. Ná nkurɔfo susuw sɛ ɛma awo.
