Yeremia 20:1-18
20 Bere a Yeremia rehyɛ nkɔm yi nyinaa no, na Imer ba Pasur, ɔsɔfo a ɔyɛ Yehowa fi so otitiriw no retie.
2 Ɛnna Pasur bɔɔ odiyifo Yeremia, na ɔde no bɔɔ dua mu+ wɔ Benyamin Pon a Ɛwɔ Soro wɔ Yehowa fi no mu.
3 Na bere a ade kyee a Pasur yii Yeremia fii dua no mu no, Yeremia ka kyerɛɛ no sɛ:
“Yehowa remfrɛ wo Pasur bio, na mmom wato wo din Ehu Wɔ Baabiara.+
4 Efisɛ nea Yehowa aka ni, ‘Mɛma wo ne wo nnamfo nyinaa abɔ hu esiane nea ɛbɛto wo no nti, na wobewuwu wɔ wɔn atamfo sekan ano ama wode w’ani ahu;+ na mede Yuda nyinaa bɛhyɛ Babilon hene nsa, na obetu wɔn ase akɔ Babilon, na ɔde sekan akunkum wɔn.+
5 Na mede kurow yi mu ahonyade nyinaa, ne emu nneɛma a wɔabrɛ anya nyinaa, ne emu nneɛma a ɛsom bo nyinaa, ne Yuda ahemfo agyapade nyinaa bɛma wɔn atamfo.+ Wobegye afi wɔn nsam na wɔafom de akɔ Babilon.+
6 Na wo Pasur, wɔbɛkyere wo ne wo fifo nyinaa akɔ. Wobɛkɔ Babilon, na ɛhɔ na wubewu, na ɛhɔ na wobesie wo ne wo nnamfo nyinaa, efisɛ woahyɛ nkɔm a ɛnyɛ nokware akyerɛ wɔn.’”+
7 O Yehowa, woadaadaa me, na mama woadaadaa me.
Wode w’ahoɔden abu afa me so, na woadi nkonim.+
Daa nkurɔfo serew me;Obiara di me ho fɛw.+
8 Sɛ mekasa biara a, mede to gua, na meteɛm ka sɛ,“Awudisɛm ne ɔsɛe!”
Yehowa asɛm nti, daa nkurɔfo yeyaw me na wɔserew me.+
9 Ɛno nti mekae sɛ: “Meremmɔ ne din bio,Na merenkasa wɔ ne din mu bio.”+
Nanso n’asɛm yɛɛ sɛ ogya wɔ me koma mu. Ɛyɛe sɛ ogya a ɛredɛw a wɔato mu wɔ me nnompe mu;Ɛhyehyee me boroo so,Na mantumi anka m’ano antom.+
10 Metee nseku pii;Ehu twaa me ho hyiae.+
Wɔkae sɛ: “Muntwa no adapaa; momma yentwa no adapaa!”
Wɔn a ɛyɛ me sɛ wɔne me te asomdwoe mu mpo pɛ sɛ asɛm to me.+
Wɔkae sɛ: “Ebia obedi nkwaseasɛm,Na yebenya no ayɛ no bi atua ka.”
11 Nanso Yehowa gyinaa m’akyi sɛ ɔsabarima a ne ho yɛ hu.+
Ɛno nti wɔn a wɔtan m’ani no behintiw, na wɔrennyina.+
Wɔn ani bewu pɔtɔɔ, efisɛ ɛrensi wɔn yiye.
Wɔn aniwu no rentwam da, na obiara werɛ remfi.+
12 Na wo, asafo Yehowa, wo na wohwehwɛ ɔtreneeni mu;Wo na wuhu onipa tirim adwene* ne ne koma mu.+
Ma minhu sɛnea wubetua wɔn ka,+Efisɛ wo na mede m’asɛm abɛdan wo.+
13 Monto dwom mma Yehowa! Munyi Yehowa ayɛ!
Na wagye mmɔborɔwa* afi abɔnefo nsam.
14 Nnome nka da a wɔwoo me!
Mma ɛda a me maame woo me no nnnya nhyira!+
15 Nnome nka ɔbarima a ɔbɛkaa asɛmpa kyerɛɛ me papa sɛ:
“Wɔawo ɔbabarima ama wo!”
A ɛno nti odii ahurusi no.
16 Ma saa ɔbarima no nyɛ sɛ nkurow a Yehowa sɛee no a anyɛ No yaw no.
Ma ɔnte nkekawmu anɔpa, na awia ketee nso, ɔnte dede a ɛyɛ hu.
17 Adɛn nti na wankum me prɛko wɔ yafunu mu,Na me maame yam anyɛ m’amusiei,Na ne nyinsɛn anka ne yam?+
18 Adɛn nti koraa na mifi ɔyafunu mu baeSɛ merebehu amane na madi awerɛhow,Na me nna aba awiei animguase mu?+