Yesaia 24:1-23
24 Hwɛ! Yehowa bɛpra obiara afi asaase no so na wama ada mpan.+
Wadan asaase no ani abutuw+ na wabɔ ɛsofo ahwete.+
2 Wɔn nyinaa gyinabea bɛyɛ pɛ:
Ɔmanfo ne ɔsɔfo bɛyɛ pɛ,Akoa ne ne wura bɛyɛ pɛ,Abaawa ne n’awuraa bɛyɛ pɛ,Nea ɔretɔ ne nea ɔretɔn bɛyɛ pɛ,Nea ɔde fɛm ne nea ɔfɛm bɛyɛ pɛ,Nea ɔbɔ bosea ne nea ogye bosea bɛyɛ pɛ.+
3 Asaase no bɛda mpan korakora;Wɔbɛfa so nneɛma nyinaa,+Efisɛ Yehowa na waka asɛm yi.
4 Asaase no redi awerɛhow;*+ ɛrehi.
Asaase* no akisa; ɛresa.
Asaase no so atitiriw so atew.
5 Wɔn a wɔte asaase no so agu ho fĩ,+Efisɛ wɔakwati mmara no,+Wɔasesa ahyɛde no,+Na wɔabu daa* apam no so.+
6 Ɛno nti na nnome amene asaase no,+Na wɔn a wɔte so no di fɔ no.
Ɛno nti na asaase no sofo so atew,Na aka nnipa kakraa bi no.+
7 Bobesa foforo redi awerɛhow,* bobe akisa,+Na wɔn a wɔn koma ani agye nyinaa si apini.+
8 Nnwom dɛdɛ a wɔde mpintin bɔ no aba awiei;Ahosɛpɛwfo dede to atwa;Nnwom dɛdɛ a wɔde sanku bɔ no aba awiei.+
9 Wɔnom nsã,* nanso wɔnto nnwom nka ho,Na wɔn a wɔnom nsã a ɛbow no, ɛyɛ wɔn nwene.
10 Kurow a ada mpan no, wɔadwiriw agu;+Wɔato ofi biara mu sɛnea ɛbɛyɛ a obiara ntumi nkɔ mu.
11 Wosu hwehwɛ nsã* wɔ mmɔnten so.
Anigye nyinaa ayera;Asaase no so ahurusidi atu ayera.+
12 Kurow no adan amamfo;Wɔabubu ɔpon no pasaa.+
13 Na sɛɛ na ɛbɛyɛ wɔ asaase no so, aman no mu:
Ɛbɛyɛ sɛ nea wɔrewosow ngodua;+Te sɛ nea wɔatew bobe awie na wɔresesaw ase.+
14 Wɔbɛma wɔn nne so,Wobedi ahurusi.
Wobefi po so* aka Yehowa kɛseyɛ.+
15 Ɛno nti wɔbɛhyɛ Yehowa anuonyam wɔ hann fibea,*+Na wɔbɛhyɛ Israel Nyankopɔn Yehowa din anuonyam wɔ po so nsupɔw so.+
16 Yɛte nnwom fi asaase no so akyirikyiri sɛ:
“Anuonyam* nka Ɔtreneeni no!”+
Na meka sɛ: “Merefɔn, merefɔn!
Asɛm ato me! Nkontompofo di nkontomposɛm.Nkontompofo nam nkontompo so di nkontomposɛm.”+
17 Wo a wote asaase so, ehu ne amoa ne afiri da hɔ retwɛn wo.+
18 Obiara a ɔbɛte nnyigyei a ɛyɛ hu a obeguan no, ɔbɛtɔ amoa mu,Na obiara a obepue afi amoa mu no, afiri beyi no.+
Efisɛ wobebue ɔsoro mfɛnsere,Na asaase nnyinaso awosow.
19 Asaase no mu apae;Wɔawosow asaase no;Asaase no hinhim denneennen.+
20 Asaase no hinhim sɛ ɔsabofo,Na ɛkɔ afã-afã te sɛ apata a mframa rebɔ no.
N’amumɔyɛsɛm ayɛ no so duru,+Na ɛbɛhwe ase a ɛrensɔre bio.
21 Saa da no, Yehowa bebu ɔsoro asraafo atɛn,Na obebu asaase so ahemfo atɛn wɔ asaase so.
22 Na wɔbɛboaboa wɔn anoSɛnea wɔboaboa nneduafo ano gu amoa mu,Na wɔde wɔn begu afiase ato wɔn mu,Na nna bebree akyi no, wɔbɛba abɛhwɛ wɔn.
23 Ɔsram a apae anim begu ase,Na owia a ɛrehyerɛn ani bewu,+Efisɛ asafo Yehowa abɛyɛ Ɔhene+ wɔ Sion Bepɔw+ so ne Yerusalem,Obedi tumi anuonyam mu wɔ ne man mpanyimfo* anim.+
Ase Hɔ Nsɛm
^ Ebetumi nso akyerɛ, “Asaase no mu nsu atwe.”
^ Anaa “Wiase.”
^ Anaa “tete.”
^ Ebetumi nso akyerɛ, “Nsã foforo ayow.”
^ Anaa “bobesa.”
^ Anaa “bobesa.”
^ Anaa “atɔe.”
^ Anaa “apuei.”
^ Anaa “Ahoɔfɛ.”
^ Nt., “ne mpanyimfo.”
