Yesaia 26:1-21
26 Ɛda no, wɔbɛto dwom yi+ wɔ Yuda asaase so:+
“Yɛwɔ kurow a ɛyɛ den.+
Ɔde nkwagye ayɛ n’afasu ne n’akoban.*+
2 Mummue apon no+ mma ɔman trenee no mmra mu,Ɔman a edi nokware no.
3 Wɔn a wɔde wɔn ho to wo so koraa no,* wobɛbɔ wɔn ho ban;Wobɛma wɔn asomdwoe daa,+Efisɛ wo na wɔde wɔn ho to wo so.+
4 Momfa mo ho nto Yehowa so daa,+Efisɛ Yah* Yehowa ne daa Botan no.+
5 Wɔn a wɔte baabi a ɛwɔ soro, kurow a ɛkorɔn no mu no, wabrɛ wɔn ase.
Wama ahwe ase,Wama ahwe fam,Wama ahwe mfuturu mu.
6 Nan betiatia so,Abrɛfo nan, ahiafo anammɔn.”
7 Ɔtreneeni kwan yɛ tẽẽ.*
Esiane sɛ woteɛ nti,Wobɛma ɔtreneeni kwan so ada so.
8 O Yehowa, bere a yɛnam w’atemmu kwan so no,Yɛn ani da wo so.
Yɛn* ani agyina wo din ne wo nkae.*
9 Edu anadwo a, me nipadua* nyinaa ani gyina wo,Na me honhom kɔ so hwehwɛ wo;+Efisɛ wubu asaase atɛn a,Asaase sofo sua adetrenee.+
10 Sɛ wɔdom ɔbɔnefo mpo a,Ɔrensua adetrenee.+
Trenee asaase so mpo, obedi amumɔyɛsɛm,+Na ɔrenhu Yehowa kɛseyɛ.+
11 O Yehowa, woama wo nsa so, nanso wonhu.+
Wobehu sɛnea wode ahokeka di ma wo man, na wɔn ani bewu.
Yiw, wo gya bɛhyew w’atamfo.
12 O Yehowa, wobɛma yɛn asomdwoe,+Efisɛ biribiara a yɛayɛ biara,Wo na woayɛ ama yɛn.
13 O Yehowa yɛn Nyankopɔn, w’akyi no, atumfo bi nso adi yɛn so,+Nanso wo nko ara na yɛbɛbɔ wo din.+
14 Wɔawuwu, na wɔrentena ase.
Wɔyɛ awufo a wonni tumi biara; wɔrensɔre.+
Efisɛ wode w’ani asi wɔn so
Sɛ wobɛsɛe wɔn na wɔn din ayera.
15 O Yehowa, woama ɔman no ayɛ kɛse,Woama ɔman no ayɛ kɛse;Woahyɛ wo ho anuonyam.+
Woatrɛw asaase no ahye nyinaa mu kɔ akyirikyiri.+
16 O Yehowa, bere a wohuu amane no, wɔdan baa wo nkyɛn;Bere a woteɛɛ wɔn so no, wɔbɔɔ mpae besebesee wɔn ano.+
17 Sɛnea ɔpemfo a awo aka noTe awo mu yaw* na ɔteɛteɛ mu no,Saa ara na wo nti yɛayɛ, O Yehowa.
18 Yenyinsɛnee, yɛtee awo mu yaw,*Nanso ɛte sɛ nea yɛawo mframa.
Yɛmfaa nkwagye mmaa asaase no so,
Na wɔnwoo obiara sɛ ɔntena asaase no so.
19 “W’awufo benya nkwa.
M’afunu* bɛsɔre.+
Monsɔre na mommɔ ose,Mo a mote mfuturu mu!+
Wo bosu te sɛ anɔpa bosu,*Na asaase bɛma awufo a wonni tumi biara no aba nkwa mu.*
20 Me man, monkɔ, monkɔhyɛ mo mpia muNa monto mo apon mu wɔ mo akyi.+
Momfa mo ho nsie kakraNkosi sɛ abufuhyew no betwam.+
21 Hwɛ! Yehowa fi ne tenabea rebaAbɛma asaase no sofo abu wɔn bɔne ho akontaa,Na asaase no bɛma ne mogyahwiegu ada adiNa ɛrenkata wɔn a wɔakum wɔn no so bio.”
Ase Hɔ Nsɛm
^ Esiw anaa ɔfasu a wogyina so ko anaa wɔde bɔ kurow ho ban.
^ Ebetumi nso akyerɛ, “Wɔn a wɔn koma si pi no.”
^ “Yah” yɛ edin Yehowa a wɔatwa no tiaa.
^ Anaa “pɛpɛɛpɛ.”
^ Anaa “Yɛn kra.”
^ Kyerɛ sɛ, ma wɔnkae Onyankopɔn ne ne din anaa ma nkurɔfo nhu Onyankopɔn ne ne din.
^ Anaa “me kra.”
^ Anaa “awoko yaw.”
^ Anaa “awoko yaw.”
^ Nt., “Afunu a ɛyɛ me dea.”
^ Ebetumi nso akyerɛ, “nwura (ɛfan) so bosu.”
^ Anaa “Na asaase bɛwo awufo a wonni tumi biara no.”
