Yesaia 35:1-10
35 Asaase pradadaa ne asaase a ɛso awo ani begye,+Na anweatam bedi ahurusi na apae sɛ nhwiren.+
2 Sɛnea ɛte biara, ebegu nhwiren;+Ɛbɛbɔ ose na adi ahurusi.
Wɔde Lebanon anuonyam bɛma no,+Ɛne Karmel+ ne Saron+ ahoɔfɛ.
Wobehu Yehowa anuonyam, yɛn Nyankopɔn kɛseyɛ.
3 Nsa a emu agow no, monhyɛ no den;Nkotodwe a ahodwow no, mummia mu.+
4 Wɔn a wɔn koma atu no, monka nkyerɛ wɔn sɛ:
“Monhyɛ mo ho den. Munnsuro.
Hwɛ! Mo Nyankopɔn de aweredi bɛba,Onyankopɔn bɛba abetua mo atamfo ka.+
Ɔbɛba abegye mo.”+
5 Saa bere no, anifuraefo ani bebue,+Na wɔn a wɔn aso asiw aso ate asɛm.+
6 Saa bere no, apakye behuruw sɛ ɔwansan,+Na mum tɛkrɛma de anigye abɔ ose.+
Nsu betue sare so,Na nsubɔnten asen asaase pradadaa so.
7 Na asaase a ɛso awo bɛdan ɔtare,*Na asaase a akyen ayɛ nsuwansuwa.+
Baabi a na ɛyɛ sakraman ahomegyebea no,+Sare momono, demmire,*ne mmɛw* befifi wɔ hɔ.
8 Na ɔkwantempɔn bi bɛda hɔ.+Saa kwan no, wɔbɛfrɛ no Ɔkwan Kronkron.
Nea ne ho ntew remfa so.+
Wɔn a wɔfata sɛ wɔfa kwan no so na wɔbɛfa so,Na kwasea biara remfom mmɛfa so.
9 Gyata biara remma hɔ,Na wuram mmoa a wɔn ho yɛ hu biara remfa so.
Wɔrenhu bi wɔ hɔ;+Wɔn a wɔatɔ wɔn afi nkoasom mu no nko ara na wɔbɛfa so.+
10 Wɔn a Yehowa agye wɔn no bɛsan aba;+ wɔde osebɔ bɛba Sion.+
Wobenya anigye a enni awiei.+
Wobedi ahurusi na wɔasɛpɛw wɔn ho,Na awerɛhow ne apinisi aguan.+
Ase Hɔ Nsɛm
^ Nt., “ɔtare a demmire afifi wom.”
^ Ɛyɛ afifide bi a ɛwɔ nsu ho.
^ Ɛyɛ afifide bi a ɛwɔ nsu ho.
