Yesaia 39:1-8
-
Wɔsomaa nkurɔfo fii Babilon (1-8)
39 Saa bere no, Babilon hene Merodak-Baladan a ɔyɛ Baladan ba no soma ma wɔde nkrataa ne akyɛde kɔmaa Hesekia,+ efisɛ ɔtee sɛ wayare ama ne ho atɔ no.+
2 Hesekia de anigye gyee wɔn,* na ɔde n’adekoradan mu nneɛma kyerɛɛ wɔn,+ kyerɛ sɛ, dwetɛ ne sika kɔkɔɔ ne balsam ngo ne ngo pa ne baabi a ɔkora n’akode nyinaa, ne biribiara a ɛwɔ n’akorae. Biribiara nni Hesekia fi* ne n’ahemman mu a wamfa ankyerɛ wɔn.
3 Ɛnna odiyifo Yesaia baa Ɔhene Hesekia nkyɛn bebisaa no sɛ: “Asɛm bɛn na mmarima yi kae, na ɛhe na wofi bae?” Na Hesekia buae sɛ: “Wofi akyirikyiri asaase bi so, wofi Babilon.”+
4 Na ɔsan bisae sɛ: “Dɛn na wohui wɔ wo fi?”* Ɛnna Hesekia kae sɛ: “Wohuu biribiara a ɛwɔ me fi.* Biribiara nni m’akorae a mamfa ankyerɛ wɔn.”
5 Ɛnna Yesaia ka kyerɛɛ Hesekia sɛ: “Tie asafo Yehowa asɛm yi,
6 ‘Hwɛ! Nna bi reba, na nea ɛwɔ wo fi* nyinaa, ne nea w’agyanom de asie abesi nnɛ nyinaa, wɔbɛfa akɔ Babilon. Biribiara renka,’+ Yehowa na waka.+
7 ‘Na wɔbɛfa w’ankasa wo mma a wobɛwo wɔn no mu bi akɔ ama wɔakɔyɛ nhenkwaa wɔ Babilon hene ahemfi.’”+
8 Ɛnna Hesekia ka kyerɛɛ Yesaia sɛ: “Yehowa asɛm a woaka no ye.” Na ɔtoaa so kae sɛ: “Efisɛ asomdwoe ne ahotɔ* bɛtena hɔ wɔ me bere so.”*+
Ase Hɔ Nsɛm
^ Nt., “Hesekia dii wɔn ho ahurusi.”
^ Anaa “ahemfi.”
^ Anaa “w’ahemfi.”
^ Anaa “m’ahemfi.”
^ Anaa “w’ahemfi.”
^ Anaa “nokware.”
^ Nt., “me nna mu.”
