Yesaia 57:1-21
57 Ɔtreneeni ayera,Nanso ɛmfa obiara ho.
Wɔafa nnipa anokwafo kɔ,*+Na obiara nnwen ho sɛ wɔafa ɔtreneeni kɔEsiane mmusu no nti.*
2 Ɔkɔ asomdwoe mu.
Wɔhome wɔ wɔn mpa so,* wɔn a wɔnam trenee mu nyinaa.
3 “Nanso mo de, muntwiw mmɛn,Mo a moyɛ ɔbea sumanni mma,Mo a moyɛ ɔwaresɛefo ne tuutuuni asefo:
4 Hena na moredi ne ho agoru no?
Hena na moatɛɛ mo anom wɔ ne so, na moatwe mo tɛkrɛma yi?
Ɛnyɛ mo na moyɛ bɔne mmaNe atoro asefo no?+
5 Ɛnyɛ mo na nna ho akɔnnɔ ahyɛ mo mã wɔ nnua akɛse ntam+Ne dua biara a ayɛ kusuu ase no?+Ɛnyɛ mo na mukum mmofra wɔ abon* mu+Ne abotan mu ntokuru mu no?
6 Subon mu abo a ɛho yɛ toromtorom ne wo kyɛfa.+
Na ɛno na wofae.
Wugu afɔrebɔ nsã mpo wɔ so, na wode akyɛde gu so.+
Menka me koma nto me yam* wɔ eyinom ho anaa?
7 Mmepɔw atenten a ɛkorɔn so na wotoo wo mpa.+Na woforo kɔɔ hɔ kɔbɔɔ afɔre.+
8 Wode wo nkae ade sii ɔpon ne apongua akyi.
Wugyaw me hɔ, na wuyii wo ho;Woforoe, na wotrɛw wo mpa mu.
Na wo ne wɔn yɛɛ apam.
W’ani gyee ho sɛ wobɛda wɔn mpa so,+Na wohwɛɛ wɔn mmarima dua.*
9 Wode ngo sian kɔɔ Melek,*Na wode sradehuam bebree kaa ho.
Wosomaa nnipa kɔɔ akyirikyiri,Na wusian kɔɔ Ɔdamoa* mu.
10 Wode wo ti apempem wɔ w’akwan dodow no mu.Nanso woanka sɛ: ‘Ɛyɛ ɔbrɛ hunu!’
Wunyaa ahoɔden foforo.
Ɛno nti na wompa abaw* no.
11 Hena na ne ho yɛɛ wo hu na wusuroo noA enti wufii ase dii atoro yi?+
Woankae me.+
Na woamfa hwee ansie wo koma mu.+
Mayɛ komm, na mapɛ me baabi atena.*+
Ɛno nti wunsuro me.
12 Mɛma wo ‘trenee’+ ne wo nnwuma ada adi,+Na ɛso remma wo mfaso.+
13 Sɛ wusu hwehwɛ mmoa a,Abosom a woaboa wɔn ano no rennye wo.+
Mframa behuw wɔn nyinaa akɔ,Na hwenem mframa kɛkɛ de wɔn nyinaa bɛkɔ.Nanso nea obeguan atoa me no benya asaase no atena so,Na ɔbɛfa me bepɔw kronkron no.+
14 Na wɔbɛka sɛ, ‘Mompae kwan, mompae kwan! Munsiesie kwan mu!+
Munyi akwanside biara mfi me man kwan mu.’”
15 Nea Ɔkorɔn na ɔyɛ Kɛse,Nea ɔte ase daa*+ a ne din yɛ kronkron+ no asɛm ni:
“Mete baabi a ɛkorɔn na ɛyɛ kronkron,+Me ne wɔn a wɔabubu ne mmɔborɔwafo na ɛte,Sɛ mɛma mmɔborɔwafo agyina wɔn nan so bio,Na mama wɔn a wɔabubu no koma asan anya ahoɔden.+
16 Me ne wɔn renni asi daa,Me bo remfuw afebɔɔ;+Me nti, nnipa* behodwow,+Abɔde a ɛhome a mayɛ wɔn nyinaa mpo.
17 Ne bɔne, ne mfaso bɔne+ a odi akyi nti, me bo fuwii.Enti mebɔɔ no, na mede m’anim hintawee, na me bo fuwii.
Nanso ɔkɔɔ so nantewee sɛ ɔkobɔfo,+ odii ne koma akyi.
18 Mahu n’akwan,Nanso mɛsa no yare+ na madi n’anim.+Na mɛsan ama ɔne wɔn a wɔne no redi awerɛhow+ no anya awerɛkyekye.”+
19 Yehowa aka sɛ: “Mede ayeyi bɛhyɛ obi anom.*
Nea ɔwɔ akyirikyiri ne nea ɔbɛn benya asomdwoe daa,+Na mɛsa no yare.”
20 “Nanso abɔnefo te sɛ po a ɛrebu fa so a entumi nyɛ komm,Na emu nsu kɔ so puw wura ne atɛkyɛ.
21 Asomdwoe nni hɔ mma abɔnefo,”+ me Nyankopɔn na waka.
Ase Hɔ Nsɛm
^ Kyerɛ sɛ, wɔafa nnipa pa kɔ owu mu.
^ Ebetumi nso akyerɛ, “Sɛnea ɛbɛyɛ a mmusu renka no.”
^ Kyerɛ sɛ, ɔdamoa mu.
^ Anaa “subon.”
^ Anaa “Memma me bo nnwo.”
^ Ɛbɛyɛ sɛ na ɛfa abosonsom ho.
^ Ebetumi nso akyerɛ, “ɔhene no nkyɛn.”
^ Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
^ Nt., “wommotow.”
^ Anaa “na mabu m’ani agu mo nnwuma so.”
^ Anaa “ɔte hɔ daa.”
^ Nt., “nnipa honhom.”
^ Nt., “Merebɔ anofafa aba.”
