Yesaia 61:1-11
61 Awurade Tumfo Yehowa honhom wɔ me so,+Efisɛ Yehowa asra me sɛ memmɛka asɛmpa nkyerɛ ahobrɛasefo.+
Wasoma me sɛ memmɛkyekyere koma a abubu,Na memmɛka ogye ho asɛm nkyerɛ wɔn a wɔakyere wɔn,Na menka nkyerɛ wɔn a wɔda afiase no sɛ wɔn aniwa bebue kɛse.+
2 Wasoma me sɛ memmɛka Yehowa adom* afeNe ɛda a yɛn Nyankopɔn de betua bɔne so ka,+Na menkyekye wɔn a wodi awerɛhow nyinaa werɛ.+
3 Wasoma me sɛ memmɛboa wɔn a wɔredi Sion ho awerɛhow no,Na memma wɔn abotiri mfa nsi nsõ ananmu,Na memma wɔn ahurusi ngo mfa nsi awerɛhow ananmu,Ne ayeyi ataade mfa nsi abasamtu honhom ananmu.
Na wɔbɛfrɛ wɔn trenee nnua akɛse,Nnua a Yehowa atɛw, sɛnea ɛbɛyɛ a ɔbɛhyɛ ne ho anuonyam.*+
4 Wɔbɛsan akyekye tete nkurow a asɛe no bio;Wɔbɛma mmeae a asɛe fi teteete no so agyina hɔ bio.+Wɔbɛsan ama nkurow a asɛe no ayɛ foforo,+Mmeae a obiara antena hɔ awo ntoatoaso pii mu no.+
5 “Ahɔho+ bɛba abɛhwɛ mo nguan,Na ananafo bɛhwɛ mo mfuw ne mo bobefuw* so.+
6 Mo de, wɔbɛfrɛ mo Yehowa asɔfo;+Wɔbɛfrɛ mo yɛn Nyankopɔn asomfo.
Mubedi amanaman ahonyade,+Na mode wɔn anuonyam* bɛhoahoa mo ho.
7 Aniwu bɛkɔ ama moanya nhyira* mmɔho,Na animguase bɛkɔ ama wɔadi wɔn kyɛfa ho ahurusi.
Yiw, wobenya agyapade mmɔho wɔ wɔn asaase so.+
Na wobedi ahurusi daa.+
8 Efisɛ me, Yehowa, medɔ atɛntrenee;+Mikyi korɔn ne ade a ɛnteɛ.+
Metua wɔn ka nokware mu,Na me ne wɔn bɛyɛ daa apam.+
9 Wobehu wɔn mma* wɔ amanaman mu,+Ne wɔn asefo wɔ aman mu.
Na obiara a ohu wɔn no behu sɛWɔyɛ mma* a Yehowa ahyira wɔn.”+
10 Medi ahurusi kɛse wɔ Yehowa mu.
Me nipadua nyinaa* ani begye wɔ me Nyankopɔn mu.+
Efisɛ ɔde nkwagye ataade ahyɛ me;+Ɔde trenee ataade* ahyɛ me,Te sɛ ayeforokunu a wabɔ abotiri sɛ ɔsɔfo,+Te sɛ ayeforo a ɔde n’agude ahyehyɛ ne ho.
11 Na sɛnea asaase ma nneɛma fifi,Na turo ma nneɛma a wɔadua wom fifi no,Saa ara na Awurade Tumfo YehowaBɛma trenee+ ne ayeyi afifi+ wɔ aman nyinaa anim.
Ase Hɔ Nsɛm
^ Anaa “anisɔ.”
^ Anaa “sɛnea ɛbɛyɛ a ɔbɛma ne ho ayɛ fɛ.”
^ Anaa “bobeturo.”
^ Anaa “ahonyade.”
^ Anaa “kyɛfa.”
^ Nt., “aba.”
^ Nt., “aba.”
^ Anaa “Me kra.”
^ Anaa “ataade nsasin.”
