Yosua 12:1-24
12 Eyinom ne asaase no so ahemfo a Israelfo dii wɔn so faa wɔn nsaase wɔ Yordan agya wɔ apuei fam, efi Arnon Bon* ho+ kosi Hermon Bepɔw ho+ ne Araba nyinaa wɔ apuei fam no:+
2 Amorifo hene Sihon+ a na ɔte Hesbon no. Odii hene faa Aroer+ a ɛwɔ Arnon Bon*+ ho ne bon no mfinimfini ne Gilead fã kosi Yabok Bon* ho wɔ Ammonfo hye so.
3 Ɔsan nso dii hene wɔ Araba kosii Kineret* Po+ no ho wɔ apuei, ne Araba Po, kyerɛ sɛ, Nkyene Po* no ho wɔ apuei, Bet-Yesimot kwan so, de kɔ anaafo wɔ Pisga mmepɔw+ ase.
4 Wɔsan faa Basan hene Og asaase.+ Refaimfo a na wɔaka no, na ɔka ho,+ na ɔtenaa Astarot ne Edrei.
5 Odii hene wɔ Hermon Bepɔw so ne Saleka ne Basan+ nyinaa de kosii Gesurfo ne Maakatfo+ hye so ne Gilead fã kɔpem Hesbon hene Sihon asaase so.+
6 Yehowa akoa Mose ne Israelfo no dii wɔn so,+ na ɛno akyi no, Yehowa akoa Mose de wɔn asaase no maa Rubenfo ne Gadfo ne Manase abusuakuw fã no.+
7 Ahemfo yi na Yosua ne Israelfo no dii wɔn so wɔ Yordan atɔe fam, efi Baal-Gad+ a ɛwɔ Lebanon+ Bon mu kosi Halak Bepɔw+ a ɛne Seir+ di nhwɛanim no so. Ɛno akyi no, Yosua de wɔn asaase no maa Israel mmusuakuw no maa obiara nyaa ne kyɛfa.+
8 Saa nsaase no ne, bepɔw so nsaase ne Sefela ne Araba ne bepɔw ase ne sare so ne Negeb.+ Ɛha na na Hitifo ne Amorifo+ ne Kaananfo ne Perisifo ne Hiwifo ne Yebusifo no te.+ Ahemfo yi ni:
9 Baako ne Yeriko hene;+ baako ne Ai a ɛbɛn Betel no hene;+
10 baako ne Yerusalem hene; baako ne Hebron hene;+
11 baako ne Yamut hene; baako ne Lakis hene;
12 baako ne Eglon hene; baako ne Geser hene;+
13 baako ne Debir+ hene; baako ne Geder hene;
14 baako ne Horma hene; baako ne Arad hene;
15 baako ne Libna+ hene; baako ne Adulam hene;
16 baako ne Makeda hene;+ baako ne Betel+ hene;
17 baako ne Tapua hene; baako ne Hefer hene;
18 baako ne Afek hene; baako ne Lasaron hene;
19 baako ne Madon hene; baako ne Hasor hene;+
20 baako ne Simron-Meron hene; baako ne Aksaf hene;
21 baako ne Taanak hene; baako ne Megido hene;
22 baako ne Kedes hene; baako ne Yokneam+ a ɛwɔ Karmel no hene;
23 baako ne Dor a ɛwɔ Dor mmepɔw so+ no hene; baako ne Goiim a ɛwɔ Gilgal no hene;
24 baako ne Tirsa hene. Ahemfo no nyinaa yɛ 31.
Ase Hɔ Nsɛm
^ Anaa “Arnon Subon.”
^ Anaa “Arnon Subon.”
^ Anaa “Subon.”
^ Kyerɛ sɛ, Ɛpo a Awu.
^ Kyerɛ sɛ, Genesaret ɔtare, anaa Galilea Po.
