Tit 1:5-9

Paul ka kyerɛɛ Tito sɛ ‘ɔmpaw mpanyimfo wɔ kurow biara mu.’ Ɛnnɛ nso, yedi Bible mu nhwɛso no akyi, enti amansin so ahwɛfo na wɔpaw mpanyimfo ne asomfo wɔ asafo no mu.

Sɛnea na ɛte wɔ afeha a edi kan no mu no, Akwankyerɛ Kuw no de asɛyɛde a emu yɛ duru ahyɛ amansin so ahwɛfo nsa sɛ wɔmpaw mpanyimfo ne asomfo.

Anuanom mmarima a mpanyimfo no akamfo wɔn akyerɛ no, ɛsɛ sɛ ɔmansin sohwɛfo biara gye bere de mpaebɔ susuw wɔn mu biara ho, na ɔpaw wɔn a wɔfata.

Sɛ wɔpaw obi sɛ asafo mu panyin wie mpo a, ɛsɛ sɛ ɔkɔ so du Kyerɛwnsɛm mu ahwehwɛde no ho.