Adɛn nti na wɔn a wɔdɔ Yehowa na ɛsɛ sɛ yɛne wɔn bɔ? Efisɛ wɔn a yɛne wɔn bɔ no betumi ama yɛanya suban pa anaa subammɔne. (Mme 13:20) Sɛ nhwɛso no, bere a Ɔhene Yehoas ne Ɔsɔfo Panyin Yehoiada bɔe no, Yehoas kɔɔ so yɛɛ “nea ɛteɛ Yehowa ani so.” (2Be 24:2) Nanso Yehoiada wu akyi no, Yehoas de ne ho kɔbɔɔ wɔn a wɔnnɔ Yehowa, na ɛma ɔtwee ne ho fii Yehowa ho.—2Be 24:17-19.

Afeha a edi kan mu no, ɔsomafo Paul de Kristofo asafo no totoo “ofie kɛse” ho, na ɔde asafo no mufo nso totoo ofie no mu “anwenne” ho. Sɛ yebetumi akɔ so ayɛ ‘anwenne a wɔde yɛ nneɛma a ɛho wɔ nyam’ a, gye sɛ yɛtwe yɛn ho fi obiara a ɔyɛ nea Yehowa mpɛ ho. Ebetumi ayɛ yɛn busuani bi anaa obi a ɔwɔ asafo no mu. (2Ti 2:20, 21) Enti, wɔn a wɔdɔ Yehowa na wɔhyɛ yɛn nkuran sɛ yɛnsom no no, momma yɛnkɔ so mfa wɔn nnamfo.

HWƐ VIDEO A YƐATO DIN MA W’ANI NNA HƆ NA PO FEKUBƆNE NO. WUWIE A, BUA NSƐMMISA A EDIDI SO YI:

• Akwan bɛn so na sɛ yɛanhwɛ yiye a, yɛne wɔn a wɔnnɔ Yehowa bɛbɔ?

• Video no mu no, dɛn na ɛboaa anuanom mmiɛnsa ma wɔtwee wɔn ho fii fekubɔne ho?

• Bible mu nnyinasosɛm bɛn na ebetumi aboa wo ama woapaw nnamfo pa?