Sɛnea Yesaia yii ne yam som Yehowa no, ɛfata sɛ yesua. Ne gyidi nti, bere a na Yehowa repɛ obi asoma no no, wantwentwɛn ne nan ase koraa na ɔkae sɛ ɔbɛkɔ, ɛwom sɛ na onnim adwuma a ɔrekɔyɛ no. (Yes 6:8) Wo nso ɛ, wubetumi ayɛ nsakrae wɔ w’asetenam na ama woakɔsom wɔ baabi a wohia Ahenni adawurubɔfo pii anaa? (Dw 110:3) Ɛho hia sɛ ‘wosẽsẽ’ hwɛ ansa na woasi gyinae a ɛte saa. (Lu 14:27, 28) Nanso, wo ara fi wo komam fa nneɛma bɔ afɔre yɛ asɛnka adwuma no. (Mt 8:20; Mr 10:28-30) Video a yɛato din Wɔkɔɔ Baabi a Wohia Mmoa Kɔsomee mu no, yehui sɛ, sɛ obi de nneɛma bɔ afɔre a, sɛnea Yehowa hyira no no, ɛnyɛ ano bi ni.

• Nneɛma bɛn na Williams abusua no de bɔɔ afɔre ansa na wɔretu akɔ Ecuador?

• Nneɛma bɛn na wosusuw ho ansa na wɔrepaw baabi a wɔbɛkɔ akɔsom?

• Nhyira bɛn na wonyae?

• Wopɛ sɛ wokɔ baabi a wohia mmoa kɔsom a, ɛhe na wubenya nsɛm a ɛbɛboa wo?

• Yɛn abusua no bɛyɛ dɛn atrɛw yɛn som adwuma mu? (km 8/11 4-6)

• Sɛ yɛrentumi nkɔ baabi a wohia mmoa a, dɛn na yebetumi ayɛ de aboa yɛn asafo? (w16.03 3-5)