BIBLE MU AKORADE | YESAIA 52-57
Kristo Huu Amane Maa Yɛn
“Nnipa buu no animtiaa, na wɔpoo no . . . Yebuu no sɛ obi a Onyankopɔn atwe n’aso, wahwe no, na wama ne ho ahiahia no”
-
Nnipa buu Yesu animtiaa na wotwaa asɛm too no so sɛ ɔka abususɛm. Na ebinom adwene yɛ wɔn sɛ Onyankopɔn retwe n’aso, te sɛ nea ɔde yare bɔne bi abɔ no
“Na ɛsɔ Yehowa ani sɛ obebubu no, . . . na ne nsam na nea ɛsɔ Yehowa ani begyina”
-
Bere a Yehowa hui sɛ nkurɔfo rekum ne Ba no, akyinnye biara nni ho sɛ ɛyɛɛ ne yaw. Nanso bere a Yesu dii nokware kosii owu mu no, Yehowa ani gyei paa. Ná Satan aka sɛ ɛto nea ɛyɛ den a, Onyankopɔn asomfo bɛdan wɔn akyi akyerɛ no. Nanso Yesu wu no kyerɛe sɛ nea Satan kae no nyɛ nokware. Ne wu no de nhyira abrɛ nnipa a wɔanu wɔn ho. Wei ama nea “ɛsɔ Yehowa ani” aba mu
