61:1, 2

• Ɛyɛ bere a Yehowa ma ahobrɛasefo nya hokwan de kyerɛ sɛ wobetie n’ahofadi ho dawurubɔ no anaasɛ wɔrentie

• Afeha a edi kan no mu no, anisɔ afe no fii ase bere a Yesu hyɛɛ ne som adwuma ase afe 29 Y.B. Ɛkɔɔ so ara kosii Yehowa “aweredi da” no, bere a wɔsɛee Yerusalem afe 70 Y.B.

• Yɛn bere yi so no, anisɔ afe no fii ase bere a wɔde Yesu sii ahengua so wɔ soro wɔ afe 1914 no. Ɛbɛba awiei wɔ ahohiahia kɛse no mu

61:3, 4

• Nnua a ɛwoware paa wɔ wiase no taa nyin bom wɔ kwae mu. Nnua no bom saa a, ebiara boa ne yɔnko

• Nnua no ntini akɛse no tumi bankyerebankyere mu. Wei boa ma nnua no tintim paa, enti sɛ ahum tu a, entutu ngu

• Nnua atenten ma nnua a afifi foforo no nya onwini. Nnua no nhaban nso tetew gu fam a, ɛyɛ asase no yiye

Kristofo asafo a ɛwɔ wiase no mufo nyinaa nya mmoa ne ahobammɔ fi “trenee nnua akɛse” no hɔ. “Trenee nnua akɛse” no ne wɔn a wɔasra wɔn no nkaefo