Yehowa nim nea eye ma yɛn bere nyinaa. Saa asɛm no, yennye ho kyim! Ɛno nti, sɛ yɛde akwankyerɛ a ɔde ma yɛn no yɛ adwuma a, ɛbɛkyerɛ sɛ yenim nyansa. (Mme 16:3, 9) Nanso sɛ ɛkɔba sɛ, akwankyerɛ a Yehowa de ama yɛn ne yɛn ti nnye a, etumi yɛ sɔhwɛ ma yɛn paa. Ade baako a ebetumi aboa yɛn ama yɛde yɛn ho ato Yehowa nyansa so ne sɛ yɛbɛhwɛ abɔde.​—Mme 30:24, 25; Ro 1:20.

HWƐ VIDEO A YƐATO DIN WƆBƆE ANAA? NEA ENTI A NTƐTEA MMƆ MPEE SO NO. WUWIE A, BUA NSƐMMISA A EDIDI SO YI:

• Dɛn na ntɛtea pii yɛ no da biara?

• Dɛn na ntɛtea yɛ na wɔammɔ ampee so?

• Sɛnea ntɛtea tumi bom yuu nanso wɔmmɔ mpee so no, dɛn na nnipa betumi asua afi mu?

HWƐ VIDEO A YƐATO DIN WƆBƆE ANAA? NEA ENTI A WOWA TU A MFRAMA NTUMI NHOW NO. WUWIE A, BUA NSƐMMISA A EDIDI SO YI:

• Sɛ wimhyɛn ketewa nam wim a, dɛn na ebetumi ato no?

• Sɛ wowa tu a, ɛyɛ dɛn na mframa ntumi nhow no?

• Nyansa a Yehowa de adua wowa mu no, dɛn na daakye bi, nnipa betumi ahwɛ so ayɛ?

Baabi a wote no, Onyankopɔn abɔde bɛn na ɛwɔ hɔ a ɛma wuhu sɛ ɔwɔ nyansa?