Onyankopɔn Asɛm betumi asesa yɛn asetena. (Heb 4:12) Nanso, sɛ yebetumi anya emu akwankyerɛ ne afotu no so mfaso a, ɛsɛ sɛ yegye di sɛ ɛyɛ “Onyankopɔn asɛm” ampa. (1Te 2:13) Nneɛma bɛn na yebetumi ayɛ de ahyɛ gyidi a yɛwɔ wɔ Bible mu no den?

Da biara, ɛyɛ a kenkan Bible. Sɛ worekan a, hwɛ sɛ wubehu nneɛma bi wom a ɛkyerɛ sɛ Yehowa na ɔma wɔkyerɛw Bible no. Nhwɛso bi ni: Ɛyɛ a kenkan afotusɛm a ɛwɔ Mmebusɛm nhoma no mu no, na wubehu sɛ, nsɛm a ɛka no tɔ asom paa, na ɛnnɛ nyinaa yɛde bɔ bra a, ɛyɛ yiye.—Mme 13:20; 14:30.

Fa biribi si w’ani so na sua ho ade. Adanse a ɛkyerɛ sɛ Onyankopɔn na ɔnam ne honhom so ma wɔkyerɛw Bible no, sua na te ase yiye. Sɛ wubue Nhoma a Yehowa Adansefo De Yɛ Nhwehwɛmu no a, kɔ “Bible.” Wudu hɔ a, hwɛ ɔfã a yɛato din “Efi Onyankopɔn Honhom Mu.” Afei nso, sɛ wusua asɛm a ɛwɔ Nkekaho A3 wɔ Wiase Foforo Nkyerɛase mu no a, ɛbɛma woanya gyidi paa sɛ, nsɛm a na ɛwɔ Bible mu tete no, ɛno ara na ɛda so wom ɛnnɛ; ɛnsesae.

HWƐ VIDEO A YƐATO DIN NEA ENTI A YEGYE DI SƐ . . . BIBLE NO YƐ ONYANKOPƆN ASƐM. WUWIE A, BUA NSƐMMISA A EDIDI SO YI:

• Ɔkwan bɛn so na asɔredan bi fasu a wohui wɔ Karnak, Egypt no ma yehu sɛ Onyankopɔn Asɛm yɛ nokware?

  Your answer

• Yɛyɛ dɛn hu sɛ asɛm a ɛwɔ Bible mu no nsesae?

  Your answer

• Sɛnea wɔakora Bible so fi tete ama yɛanya bi akan nnɛ no, sɛn na ɛma wuhu sɛ Bible yɛ Onyankopɔn Asɛm ampa?—Kenkan Yesaia 40:8

  Your answer