January 15-21
HIOB 36-37
Dwom 147 Ne Mpaebɔ | Nnianim Nsɛm (Simma 1)
1. Dɛn Na Ɛma Wugye Di Sɛ Daa Nkwa a Onyankopɔn De Ahyɛ Yɛn Bɔ No Bɛba Ampa?
(Simma 10)
Yehowa a ɔhyɛɛ bɔ no, ɔte hɔ daa (Hio 36:26; w15 10/1 13 ¶1-2)
Yehowa wɔ nyansa ne tumi a obetumi ama yɛatena nkwa mu daa (Hio 36:27, 28; w20.05 22 ¶6)
Yehowa kyerɛ yɛn nea ɛsɛ sɛ yɛyɛ na yɛanya daa nkwa (Hio 36:4; Yoh 17:3)
Ɛbɔ a Onyankopɔn ahyɛ sɛ ɔbɛma yɛn daa nkwa no, sɛ yɛwɔ gyidi paa sɛ ɛbɛba mu a, ɛnde sɛ ɔbra no mu yɛ den sɛ dɛn mpo a, yebegyina pintinn.—Heb 6:19; w22.10 28 ¶16.
2. Tweetwee Bible Mu
(Simma 10)
-
Hio 37:20—Tete no, sɛ asɛm si baabi a, ɛyɛ dɛn na na ɛtrɛw du baabiara? (it-1 492)
-
Bere a wotweetwee nnawɔtwe yi Bible akenkan mu no, dɛn na wuhui a wopɛ sɛ woka ho asɛm?
3. Bible Akenkan
(Simma 4) Hio 36:1-21 (th adesua 2)
4. Hyɛ Nkɔmmɔ Ase
(Simma 3) BAGUAM ADANSEDI. (lmd adesua 3 nkyekyɛm 3)
5. Yɛ Sankɔhwɛ
(Simma 4) AFIE AFIE ASƐNKA. (lmd adesua 2 nkyekyɛm 5)
6. Kyerɛkyerɛ Wo Gyidi Mu
(Simma 5) Ɔkasa. ijwfq 57 ¶5-15—Asɛmti: Bere a Nasi Aban No Kunkum Yudafo Pii Wɔ Wiase Ko a Ɛtɔ So Mmienu No Mu No, Adɛn Nti Na Wɔtan Yehowa Adansefo Nso Ani? (th adesua 18)
Dwom 49
7. Yɛ Ahoboa Na Sɛ Mogya Ho Asɛm Biara Ba a, Woasɔ Ano Ntɛm
(Simma 15) Ɔkasa ne nkɔmmɔbɔ. Asafo mu panyin na ɔbɛyɛ dwumadi yi.
Onyankopɔn ahyɛ mmara sɛ mma yennni mogya, na Yehowa asafo no ama yɛn nneɛma pii a ɛboa yɛn ma yedi saa mmara no so. (Aso 15:28, 29) Wode saa nneɛma no reyɛ adwuma yiye?
Durable Power of Attorney (DPA) Krataa ne Identity Card (ic): Sɛ obi yare na mogya ho asɛm ba mu a, saa nkrataa yi ma yehu nea ɔpɛ ne nea ɔmpɛ. Adawurubɔfo a wɔabɔ asu betumi akɔ onua a ɔhwɛ nhoma so no hɔ akogye DPA krataa no bi, na wɔagye Identity Card no bi ama wɔn mma nkumaa nso. Saa nkrataa yi, ɛsɛ sɛ yɛde hyɛ yɛn ho bere biara. Sɛ afei na worebɛhyehyɛ bi, anaa nea wowɔ no ayɛ dedaw na wopɛ sɛ wosesa biribi wom a, nyɛ mmɔtohɔ.
Nsɛm a Wɔde Ma Apemfo (S-401) ne Akwankyerɛ a Ɛbɛboa Wɔn a Wɔrekɔyɛ Oprehyen Anaa Chemotherapy (Information for Patients Requiring Surgery or Chemotherapy (S-407)): Sɛ woyɛ ɔpemfo, worekɔyɛ oprehyen anaa worekogye kansa ho ayaresa (anaa chemotherapy) a, kohu w’asafo mu mpanyimfo na wɔmma wo fɔɔm yi mu nea wubehia. Ɛbɛboa wo ama woahu sɛnea wobɛyɛ ahoboa na w’awo anaa w’ayaresa no ankɔfa ɔhaw anaa mogya ho asɛm biara amma, na sɛ ɛkɔba sɛ ɔhaw bi mpo ba a, wɔatumi asɔ ano ntɛm.
Ayaresabea Ntam Nkitahodi Boayikuw (anaa HLC): Anuanom a ɛka HLC ho no, wɔyɛ asafo mu mpanyimfo a yɛatete wɔn. Wɔn adwuma ne sɛ, wɔboa adɔktafo ne anuanom ma wɔhu biribiara a ɛfa mogya ho. Wɔbetumi ne dɔkta a ɔrehwɛ wo no atena ase ahwɛ sɛnea ɔbɛsa wo yare a ɔremma wo mogya. Sɛ ehia sɛ wɔhwehwɛ dɔkta a ɔbɛhwɛ wo a ɔremma wo mogya a, wɔbetumi anya bi ama wo. Anuanom a ɛka HLC ho no de, da a wuhia wɔn biara, wubenya wɔn; anɔpa oo, awia oo, anadwo oo, bere biara wubenya wɔn. Sɛ yɛka sɛ yebegye wo ato ayaresabea, yɛbɛyɛ wo oprehyen, anaa yɛbɛyɛ wo chemotherapy a, bɔ anuanom a wɔka HLC ho no amanneɛ ntɛm. Sɛ ɛyɛ wo sɛ mogya ho asɛm biara remma mu mpo a, bɔ wɔn amanneɛ ntɛm. Sɛ woafa afuru nso a, yɛ saa ara. Sɛ wopɛ sɛ HLC boa wo a, wubetumi agye wɔn nɔma afi asafo mu mpanyimfo no biara hɔ.
Yi VIDEO a yɛato din Sɛnea Ayaresabea Ntam Nkitahodi Boayikuw Anaa HLC Boa Yɛn. Afei bisa sɛ:
Sɛ ɛba sɛ wuhia ayaresa, anaa ehia sɛ yɛyɛ wo oprehyen a, sɛn na HLC betumi aboa wo?
8. Asafo Bible Adesua
(Simma 30) bt ti 4 ¶9-12, ne adaka a ɛwɔ kr. 34
