January 8-14
HIOB 34-35
Dwom 30 Ne Mpaebɔ | Nnianim Nsɛm (Simma 1)
1. Apapafo Bɛbrɛ Akosi Da Bɛn?
(Simma 10)
Kae sɛ nsisi ne ntɛnkyea a ɛrekɔ so wɔ wiase no, emfi Yehowa; ɔrentumi nyɛ saa da (Hio 34:10; wp19.1 8 ¶2)
Wɔn a wɔdi bɔne no, anhwɛ a wobɛka sɛ wɔafa wɔn ho adi, nanso wɔrentumi nni bɔne nsie Yehowa (Hio 34:21-26; w17.04 10 ¶5)
Wɔn a nkurɔfo asisi wɔn anaa nkurɔfo abu wɔn ntɛnkyea no, ade kɛse paa a yebetumi ayɛ de aboa wɔn ne sɛ yɛbɛkyerɛ wɔn Yehowa ho ade (Hio 35:9, 10; Mt 28:19, 20; w21.05 7 ¶19-20)
2. Tweetwee Bible Mu
(Simma 10)
Hio 35:7—Bere a Elihu bisaa Hiob sɛ, ‘Dɛn na Onyankopɔn nya fi wo hɔ’ no, na ɔrepɛ akyerɛ sɛn? (w17.04 29 ¶3)
Bere a wotweetwee nnawɔtwe yi Bible akenkan mu no, dɛn na wuhui a wopɛ sɛ woka ho asɛm?
3. Bible Akenkan
(Simma 4) Hio 35:1-16 (th adesua 10)
4. Hyɛ Nkɔmmɔ Ase
(Simma 3) AFIE AFIE ASƐNKA. Ka kyerɛ fiewura no sɛ wopɛ sɛ wo ne no sua Bible. (lmd adesua 10 nkyekyɛm 3)
5. Hyɛ Nkɔmmɔ Ase
(Simma 4) BERE A WUNNI ASƐNKA MU. Boa obi a ɔwɔ mma nkumaa ma onhu sɛnea obenya nsɛm a ɛbɛboa awofo wɔ jw.org. (lmd adesua 1 nkyekyɛm 4)
6. Yɛ Asuafo
(Simma 5) lff adesua 13 nkyekyɛm 5 (lmd adesua 11 nkyekyɛm 3)
Dwom 58
7. Sɛ Wunni Asɛnka Mu Mpo a, Wo Koma Ka Wo Sɛ “Ka Asɛm No”?
(Simma 15) Ɔkasa ne nkɔmmɔbɔ.
Paul ka kyerɛɛ Timoteo sɛ: “Ka asɛm no; yere wo ho ka, na ntwentwɛn so.” (2Ti 4:2) Greek asɛmfua a wɔkyerɛɛ ase “yere wo ho ka, na ntwentwɛn so” no, ɛtɔ da bi a, na wɔde kyerɛ sɛnea asogyafo yɛ wɔn adwuma. Ɛne sɛ, sɛ sogyani anaa ɔwɛmfo bi gyina baabi rewɛn hɔ a, bere nyinaa wayɛ krado. Enti ɔte kyekyerɛ, ɛhɔ ara na wakeka ne ho. Yɛn nso, saa ara na yɛyɛ. Bere nyinaa yɛayɛ krado sɛ, sɛ yɛne obi rebɔ asetena mu nkɔmmɔ, na sɛ kwan bue sɛ yebetumi adi no adanse a, ntɛmpa ara na yɛadi no adanse.
Yɛdɔ Yehowa. Afei nso, nneɛma a wayɛ ama yɛn nyinaa, yɛn ani sɔ. Ɛno na epia yɛn ma yɛka ne suban a ɛyɛ fɛ no ho asɛm kyerɛ nkurɔfo.
Kenkan Dwom 71:8. Afei bisa sɛ:
Yehowa ho ade bɛn na ɛyɛ wo fɛ a wotaa ka ho asɛm kyerɛ nkurɔfo?
Sɛ ɛnyɛ asɛnka mu na yɛwɔ mpo a, ɔdɔ a yɛwɔ ma nnipa no pia yɛn ma yedi wɔn adanse.
Yi VIDEO a yɛato din Nea Ɛyɛe a Nnipa Pii Behuu Nokware No. Afei bisa sɛ:
Ɛbaa no sɛn na bɔnnɔ so adansedi boaa nnipa bebree ma wɔbehuu Bible mu nokware no?
Asɔremma no a wɔbehuu nokware no, sɛn na nea wɔsuae no boaa wɔn?
Ɔdɔ a yɛwɔ ma nnipa no pusuw yɛn ma yedi wɔn adanse bere a yenni asɛnka mu mpo. Adɛn ntia?
Wudwen ho sɛn? Adɛn nti na bɔnnɔ so adansedi tumi boa paa ma nkurɔfo behu Yehowa?
8. Asafo Bible Adesua
(Simma 30) bt adaka a ɛwɔ ti 4 kr. 33
