Ɛyɛ dɛn? Akwampae adwuma no! Hwɛ nhyira ara a wubenya!—Mme 10:22.

• ebetumi ama woayɛ ɔsɛmpakafo a ne ho akokwaw na woanya anigye pii wɔ asɛnka mu

• ebetumi ama woabɛn Yehowa paa. Mpɛn dodow a woka ne ho asɛm kyerɛ afoforo no, na ɛrekae wo ne su ahorow a ɛyɛ nwonwa no

• wubenya akomatɔyam sɛ wode Ahenni nneɛma adi kan wɔ w’asetenam, na w’ani begye nso sɛ woyɛ pii de boa afoforo.—Mt 6:33; Aso 20:35

• wubetumi akɔ nhyiam a ɔmansin sohwɛfo bɛsra mo asafo a ɔne akwampaefo yɛ, ɛne Akwampaefo Ɔsom Sukuu no bi. Sɛ edu ɔmansin nhyiam bere so a, wɔyɛ nhyiam titiriw bi, wubetumi akɔ ɛno nso bi

• wubetumi anya hokwan pii de afi Bible adesua ase, na woayɛ Bible adesua pii

• ɛbɛma wo ne wo mfɛfo adawurubɔfo abɔ mpɛn pii wɔ asɛnka mu, na moahyehyɛ mo ho nkuran.—Ro 1:11, 12