Yɛka sɛ obi wɔ akokoduru a, ɛkyerɛ sɛ ne bo yɛ duru, ɔyɛ den, na ɔnyɛ ohufo. Sɛ obi wɔ akokoduru a, ɛnkyerɛ sɛ onsuro hwee. Mmom sɛ ɛsɛ sɛ ɔyɛ biribi na ehu wɔ ne mu mpo a, ɔmma ehu no nsiw no kwan. Akokoduru paa de, Yehowa na ɔde ma. (Dw 28:7) Dɛn na mmerante ne mmabaa yɛ a, ɛbɛkyerɛ sɛ wɔwɔ akokoduru?

HWƐ VIDEO A YƐATO DIN NSUASUA AHUFO NO, SUASUA AKOKODURUFO NO! WUWIE A, BUA NSƐMMISA A EDIDI SO YI:

• Tebea ahorow bɛn na mmerante ne mmabaa hyia a enti wohia akokoduru?

• Bible mu nsɛm bɛn na ebetumi aboa yɛn ama yɛanya akokoduru?

• Sɛ yɛda akokoduru adi a sɛn na ɛboa yɛn, na sɛn na ɛboa wɔn a wohu yɛn no?