Nneɛma a yɛyɛ de som Yehowa no, emu baako ne sɛ yɛbɛboa ama wɔasisi asafo adan. (Ex 36:1) Asafo adan a wɔresisi wɔ wo mpɔtam no, ɛwom ara a wubetumi akɔboa anaa? Sɛ saa a, ɛnde hyehyɛ Local Design/Construction Volunteer Application (DC-50) fɔɔm no bi. Anaa sɛ wɔresi dan no bi wɔ baabi a ɛmmɛn wo, na wopɛ sɛ wode nnawɔtwe dodow bi anaa abosome bi kɔboa a, wubetumi ahyehyɛ Application for Volunteer Program (A-19) fɔɔm no bi. Enhia sɛ woyɛ obi a ɔwɔ adansi ho nimdeɛ ansa na woatu wo ho ama.—Ne 2:1, 4, 5.

HWƐ VIDEO A YƐATO DIN FA GYIDI WURA ƆPON A ADWUMA PII WOM NO MU—BOA MA WONSISI ADAN A YƐDE SOM YEHOWA. WUWIE A, BUA NSƐMMISA A EDIDI SO YI:

• Dɛn na na ayɛ Sarah dadwen, na dɛn na ɛboaa no?