Yehowa som mu no, yɛka botae a, ɛyɛ ade biara a yɛde si yɛn ani so na yɛyere yɛn ho yɛ, na ama yɛatumi asom Yehowa yiye ama n’ani agye. Sɛ yɛde botae sisi yɛn ani so a, ɛnyɛ beresɛe anaa ɔbrɛgu, efisɛ ɛboa ma yetumi kɔ yɛn anim wɔ Yehowa som mu. (1Ti 4:15) Botae a yɛde asisi yɛn ani so no, ɛwom ara a, ɛsɛ sɛ yɛsan hwɛ bio. Adɛn ntia? Efisɛ mmere dan. Enti botae a bere bi na wutumi du ho no, ebia wubehu sɛ seesei ɛboro wo so. Anaa wubehu sɛ woadu wo botae bi ho, enti ɛsɛ sɛ wode foforo si w’ani so.

Sɛ ɔsom afe foforo rebefi ase a, saa bere no paa na ɛyɛ papa sɛ yɛtena ase hwɛ botae a yɛde asisi yɛn ani so no bio. Adɛn nti na monka wei ho asɛm wɔ mo abusua som ase? Mubetumi apɛ botae bi a abusua no nyinaa bɛbom ayɛ ho adwuma, ne nea abusua no muni biara pɛ sɛ ɔde si n’ani so.

Botae bɛn na wode asi w’ani so wɔ nneɛma a edidi so yi mu biara ho, na nhyehyɛe bɛn na woayɛ sɛ wode bedu ho?