September a ɛreba yi, yɛbɛyere yɛn ho ama obiara ahu sɛ Onyankopɔn Ahenni no nko ara na ebetumi ayi nnipa haw afi hɔ. (Mt 24:14) Wopɛ sɛ woyɛ bi a, wobɛyɛ no sɛn? Kenkan kyerɛwsɛm a ɛfa Onyankopɔn Ahenni ho kyerɛ nnipa dodow biara a wubetumi wɔ saa bosome no mu. Wuhu sɛ obi ani gye ho a, ma no Ɔwɛn-Aban No. 2 2020 a yɛde ma ɔmanfo no bi. Wode ma no a, ntɛm ara kɔyɛ sankɔhwɛ; mma ɛnnkyɛ. Afei bɔ mmɔden sɛ wo ne no befi Bible adesua ase wɔ Wubetumi Anya Anigye Daa! nhomawa no mu. Wɔn a wɔbɛyɛ akwampaefo boafo wɔ September mu no betumi de nnɔnhwerew 15 anaa 30 ayɛ asɛnka adwuma no.

Ɛrenkyɛ koraa, Onyankopɔn Ahenni bebubu aban ne tumidi a ɛsɔre tia no no nyinaa. (Da 2:44; 1Ko 15:24, 25) Momma yenso akwannya kamakama yi mu mfa nkyerɛ sɛ yɛtaa Yehowa ne n’Ahenni no akyi pintinn!