Wɔka sɛ, asɛm nam ani so na ɛkɔ asom, enti fa yɛn video ahorow no yɛ adwuma wɔ asɛnka mu fa kanyan nkurɔfo koma. Ɛma wɔwɛn wɔn aso tie asɛm no, na nea wɔresua no ka wɔn tirim. Sɛ yɛreka obi a ɔde mfonini kyerɛkyerɛ paa a, ɛyɛ Yehowa.—Aso 10:9-16; Adi 1:1.

Video a wɔato din Enti Onyankopɔn wɔ Din?, Hena Ne Bible no Kyerɛwfo?, ne Yɛbɛyɛ Dɛn Ahu Sɛ Bible no Yɛ Nokware? no ma yenya nsɛm foforo ka Asɛmpa nhomawa, adesua 2 ne 3 no ho. Video a wɔato din Adɛn Nti na Ɛsɛ sɛ Wusua Bible?, Yɛne Obi Sua Bible a, Yɛyɛ no Sɛn?, ne Ɛdeɛn na Yɛyɛ wɔ Ahennie Asa So? kanyan nkurɔfo ma wɔne yɛn sua Bible no anaasɛ wɔba yɛn asafo nhyiam. Yebetumi de yɛn video a ɛware no bi nso ayɛ Bible adesua.—km 5/13 3.

• Di kan twe video a wopɛ sɛ wuyi kyerɛ ofiewura no

• Pɛ asɛm baako anaa mmienu bi a wubebisa ofiewura no a video no bɛma wanya ho mmuae

• Wo ne no nhwɛ video no

• Munsusuw emu nsɛntitiriw no ho

• Dan nkratawa no baako akyi, na twe adwene si skan “code” ahyɛnsode a ɛde wo bɛkɔ video a ɛne Adɛn Nti na Ɛsɛ sɛ Wusua Bible? no so

• Yi video a wɔato din Yɛbɛyɛ Dɛn Ahu Sɛ Bible no Yɛ Nokware? kyerɛ ofiewura no, na fa Asɛmpa nhomawa no ma no. Twe adwene si adesua 3 so