Sɛ yɛto yɛn ani hwɛ yɛn asafo mu a, yehu anuanom a wɔde mfe pii asom Yehowa. Yebetumi asuasua sɛnea wɔde wɔn ho too Yehowa so no. Yebetumi ama wɔaka Yehowa ahyehyɛde no ho abakɔsɛm akyerɛ yɛn. Afei nso, yebetumi abisabisa wɔn nsɛnnennen a wohyiae ne sɛnea Yehowa boaa wɔn ma wogyinaa ano. Yebetumi ato nsa afrɛ wɔn mu baako aba yɛn Abusua Som ase ama waka ne suahu akyerɛ yɛn.

Sɛ wode mfe pii asom Yehowa a, ɛyɛ a yi wo yam ka osuahu ahorow a woanya wɔ Yehowa som mu kyerɛ mmerante ne mmabaa a wɔwɔ w’asafo mu no. Yakob ne Yosef kaa wɔn suahu kyerɛɛ nkyirimma. (Ge 48:21, 22; 50:24, 25) Akyiri yi, Yehowa ka kyerɛɛ mmusua ti sɛ, wɔnka n’anwonwade a wayɛ no ho asɛm nkyerɛ wɔn mma. (De 4:9, 10; Dw 78:4-7) Ɛnnɛ nso, awofo ne wɔn a wɔwɔ asafo no mu betumi aka nneɛma pa a Yehowa nam n’ahyehyɛde no so ayɛ ho asɛm akyerɛ mmerante ne mmabaa no.

HWƐ VIDEO A YƐATO DIN SƐ WƆBARA YƐN MPO A ƐSƐ SƐ YƐKƆ SO YƐ BAAKO NO. WUWIE A, BUA NSƐMMISA A EDIDI SO YI:

• Aman ahorow a na wɔabara yɛn adwuma no, sɛn na Austria Betel no boaa anuanom a na wɔwɔ hɔ no?

• Dɛn na anuanom a na wɔwɔ aman yi so yɛ de hyɛɛ wɔn gyidi den?

• Adɛn nti na anuanom bebree a wɔwɔ Romania twee wɔn ho fii Yehowa ahyehyɛde no ho? Wɔyɛɛ dɛn san bae?

• Sɛn na anuanom yi suahu ahyɛ wo gyidi den?