BIBLE MU AKORADE | HIOB 1-5
Hiob Kuraa ne Mudi Mu Wɔ Sɔhwɛ Mu
Na Hiob te Us bere a na Israelfo yɛ nkoa wɔ Egypt no. Hiob nyɛ Israelni, nanso na ɔyɛ Yehowa somfo nokwafo. Na ɔwɔ abusua kɛse, ahode pii, ne tumi wɔ baabi a na ɔte no. Na ɔyɛ ɔfotufo a wobu no paa ne ɔtemmufo a ɔnhwɛ nnipa anim. Ɔyɛɛ ahiafo ne mmɔborɔfo adɔe. Na ɔyɛ ɔbarima a okura ne mudi mu.
Hiob daa no adi pefee sɛ na Yehowa ne Onipa a ne ho hia sen biara wɔ n’asetena mu
-
Satan hui sɛ na Hiob kura ne mudi mu. Ogye toom sɛ na Hiob yɛ osetie ma Yehowa; nanso ɔkasa tiaa adwene a na Hiob de yɛ saa no
-
Satan kyerɛe sɛ pɛsɛmenkominya nti na na Hiob som Yehowa
-
Yehowa maa Satan kwan ma ɔde ɔhaw baa Hiob so. Ɔyɛɛ saa sɛnea ɛbɛyɛ a obenya asɛm abua sobo a Satan de bɔɔ Hiob no. Satan maa Hiob ho kyeree no paa wɔ n’asetena mu
-
Bere a Hiob kuraa ne mudi mu no, Satan kae sɛ onipa biara nkura ne mudi mu kwa
-
Hiob anyɛ bɔne na wammɔ Onyankopɔn sobo nso sɛ wayɛ biribi a ɛnteɛ
