MA W’ANI NKU ASƐNKA HO
Nea Ɛbɛma Yɛatu Mpɔn Wɔ Asɛnka Mu—Siesie Nsɛm a Wobɛka De Nsɛmma Nhoma Ama
NEA ENTI A ƐHO HIA: Ɛwom sɛ nsɛm a yebetumi aka a ɛwɔ adesua nhoma no mu no ma yenya nyansahyɛ a ɛbɛboa de, nanso wɔde ama sɛ yɛnhwɛ so nwene asɛm a yɛn ankasa bɛka. Ka no sɛnea wopɛ biara. Ebia na wopɛ sɛ woka biribi foforo anaa wote nka sɛ mo mpɔtam hɔfo mu pii ani begye asɛm foforo ho kɛse. Sɛ saa a, wubetumi de nyansahyɛ a edidi so yi asiesie nsɛm a wobɛka no. Wubetumi ayɛ saa bere a woakenkan nsɛmma nhoma no, asusuw nsɛm a yebetumi aka no ho, na woahwɛ video no mu ɔyɛkyerɛ ahorow no nyinaa awie no.
SƐNEA WOBƐYƐ NO:
Bisa wo ho sɛ: ‘Mɛpɛ sɛ mede nsɛm a yebetumi aka no baako yɛ adwuma anaa?’
YIW
-
Siesie wo nnianim asɛm. Bere a woakyia awie no, ka nea enti a woaba hɔ no tiawa. (Ɛho nhwɛso ni: “Mebaa ha a, ɛnyɛ bɔne . . . ”)
-
Susuw asɛm a wobɛka de atwe adwene asi nhoma no so bere a woakenkan kyerɛwsɛm no awie no. (Ɛho nhwɛso ni: Sɛ worebɛkenkan kyerɛwsɛm bi a, wubetumi aka sɛ “Yebehu asɛmmisa no ho mmuae a ɛma akomatɔyam wɔ ha.”)
DABI
-
Paw nsɛmma nhoma no mu asɛm bi a w’ani gye ho na mo asasesin mufo nso ani begye ho
-
Nya asɛmmisa a wode behu ofiewura no adwene de akanyan no ma nkɔmmɔbɔ no ayɛ dɛ. Nanso, mmisa asɛm a ɛbɛma n’ani awu. (Ɛho nhwɛso ni: Bisa asɛm a ɛwɔ nsɛmma nhoma no kratafa 2.)
-
Paw kyerɛwsɛm a wobɛkenkan. (Sɛ Nyan! na wode bɛma na sɛ wopɛ a, wubetumi akenkan kyerɛwsɛm bi. Nea enti a ɛte saa ne sɛ Nyan! nsɛmma nhoma no, wɔyɛ maa wɔn a wonni Bible mu nimdeɛ pii, anaa ebia wɔmpɛ nyamesom.)
-
Nwene asɛm baako anaa mmienu a ɛkyerɛ sɛnea ofiewura no benya asɛm no a ɔbɛkenkan so mfaso
NEA WOBƐPAW BIARA NO FA NEA ƐWƆ ASE HA NO NYINAA DI DWUMA
-
Siesie asɛmmisa a wubebua bere a woasan akɔ ne nkyɛn no
-
Kyerɛw nsɛm bi a ɛbɛma woakae nea wobɛka no bere foforo
