Yehowa pɛ sɛ ɔdɔ ka yɛn ma yɛsom no. (Mt 22:37, 38) Sɛ wo Bible asuafo betumi ayɛ nsakrae na wɔagyina sɔhwɛ biara ano a, gye sɛ wonya ɔdɔ ma Yehowa. (1Yo 5:3) Ɔdɔ a wɔwɔ ma Onyankopɔn na ɛbɛkanyan wɔn ama wɔabɔ asu.

Boa wo Bible asuafo ma wonhu sɛ Onyankopɔn dɔ wɔn. Wubetumi abisa wɔn nsɛm bi te sɛ: “Dɛn na saa asɛm yi ma wuhu fa Yehowa ho?” anaa “Ɔkwan bɛn so na saa asɛm yi ma wuhu sɛ Onyankopɔn dɔ wo?” Boa w’asuafo no ma wonhu sɛnea Yehowa reboa wɔn. (2Be 16:9) Nneɛma a Yehowa ayɛ de abua wo mpaebɔ no, ka ho asɛm kyerɛ wɔn, na hyɛ wɔn nkuran sɛ, wɔmfa wɔn ani nto fam nhwɛ nneɛma a ɛkyerɛ sɛ Yehowa rebua wɔn mpaebɔ. Sɛ yɛn Bible asuafo hu sɛ Yehowa dɔ wɔn, na wɔyɛ nneɛma a ɛkyerɛ sɛ wɔn nso dɔ no bi na wɔpɛ sɛ wɔyɛ n’adamfo a, ɛbɛma yɛn ani agye ankasa.

HWƐ VIDEO A YƐATO DIN BOA WO BIBLE ASUAFO MA WƆNE YEHOWA MFA ADAMFO NO. WUWIE A, BUA NSƐMMISA A EDIDI SO YI:

• Ɔhaw bɛn na Jade hyiae?

• Dɛn na Neeta yɛ de boaa Jade?

• Dɛn na ɛboaa Jade ma otumi dii ɔhaw no so?