March 17-23
MMEBUSƐM 5
Dwom 122 Ne Mpaebɔ | Nnianim Nsɛm (Simma 1)
1. Twe Wo Ho Fi Aguamammɔ Ho Koraa
(Simma 10)
Aguamammɔ tumi twetwe nnipa (Mme 5:3; w00 7/15 29 ¶1)
Aguamammɔ akyi asɛm yɛ nwene (Mme 5:4, 5; w00 7/15 29 ¶2)
Twe wo ho fi aguamammɔ ho koraa (Mme 5:8; w00 7/15 29 ¶5)
Kristoni ababaa bi mpɛ sɛ ɔde ne fon nɔma ma aberante bi
2. Tweetwee Bible Mu
(Simma 10)
-
Mme 5:9—Ɔkwan bɛn so na aguamammɔ tumi ma obi de ‘n’anuonyam ma ebinom’? (w00 7/15 29 ¶7)
-
Bere a wotweetwee nnawɔtwe yi Bible akenkan mu no, dɛn na wuhui a wopɛ sɛ woka ho asɛm?
3. Bible Akenkan
(Simma 4) Mme 5:1-23 (th adesua 5)
4. Hyɛ Nkɔmmɔ Ase
(Simma 3) BAGUAM ADANSEDI. To nsa frɛ obi a onnim Kristosom ho hwee ma ɔmmra Nkaedi no bi. Fa jw.org wɛbsaet no boa no ma onhu baabi a ɛbɛn no paa a obetumi akɔ. (lmd adesua 6 nkyekyɛm 4)
5. Yɛ Sankɔhwɛ
(Simma 4) AFIE AFIE ASƐNKA. Bere a edi kan a wokɔɔ nipa no nkyɛn no, ogyee Nkaedi nsato krataa no bi, na ɔkyerɛɛ asɛm no ho anigye. (lmd adesua 9 nkyekyɛm 5)
6. Yɛ Asuafo
(Simma 5) lff adesua 16 no afã a yɛato din, nea yɛasua, ntimu, ne fa wei si w’ani so. Fa no sɛ osuani no abisa wo sɛ Yesu waree anaa. Boa no ma onhu sɛnea ɔno ankasa betumi ayɛ nhwehwɛmu anya mmuae no. (lmd adesua 11 nkyekyɛm 4)
Dwom 121
7. Ɔbarima Ne Ɔbea Nantew—Nea Moyɛ a Ɛbɛma Moakɔ So Asɔ Yehowa Ani
(Simma 15) Ɔkasa ne nkɔmmɔbɔ.
Yɛka sɛ ɔbarima ne ɔbea bi renantew a, nnipa dodow no ara te ase sɛ, “wɔbom yɛ nneɛma bi a ɛma wɔn mu biara tumi kyerɛ ne yɔnko ho anigye.” Ɔbarima ne ɔbea nantew tumi kɔ so bere a nnipadɔm bi abom ahyiam wɔ baabi, anaa nnipa no mmienu nko ara reyɛ nneɛma bi. Ebinom ma nkurɔfo hu. Ebinom nso de, anka ɛnsɛ sɛ wɔyɛ no saa de, nanso wɔmmɔ so nkyerɛ obiara. Wɔtumi hyiam bɔ nkɔmmɔ, na wɔtumi yɛ saa wɔ tɛlefon so nso, anaa wɔsɛnde-sɛnde wɔn ho tɛs mɛsegye. Yehowa asomfo de, yemmu ɔbarima ne ɔbea nantew sɛ biribi a ɔbarima ne ɔbea bi yɛ de gyigye wɔn ani kɛkɛ, na mmom ɛyɛ anammɔntu a anibere wom a ebetumi akowie aware mu. Sɛ nnipa mmienu renantew saa a, sɛ ɛyɛ aberante ne ababaa oo, sɛ ɔbarima ne ɔbea a wɔn ani afi oo, ahwɛyiye bɛn na ɛsɛ sɛ wɔn mu biara yɛ na wɔammɔ aguaman?—Mme 22:3.
Yi VIDEO a yɛato din Nhyɛase a Wɔto ma Aware—Ɔfã 1: Metumi Ahyɛ Ɔbarima ne Ɔbea Ntam Adamfofa Ase?—Ne Fã Bi. Afei bisa sɛ:
-
Sɛ ɔbarima ne ɔbea bi nyɛɛ krado sɛ wɔbɛware a, adɛn nti na ɛnsɛ sɛ wɔfi ase nantew? (Mme 13:12; Lu 14:28-30)
-
Sɛnea awofo no boaa wɔn babea no, ɛdɛn na w’ani gyee ho wɔ ho?
Kenkan Mmebusɛm 28:26. Afei bisa sɛ:
-
Nhyehyɛe bɛn na ɔbarima ne ɔbea a wɔrenantew betumi adi kan ayɛ na ankɔka wɔn mmienu nko ara wɔ baabi a ebetumi ama wɔabɔ aguaman anaa wɔayɛ nneɛma bi a ɛmfata?
-
Nneɛma bi a ɔbarima ne ɔbea a wɔrenantew betumi ayɛ de akyerɛ wɔn dɔ, te sɛ ebia wɔn nsa a wɔbeso anaa wɔn ano a wɔbefew no, adɛn nti na ɛyɛ papa sɛ wɔdi kan ma wɔn mu biara te ne ho ase wɔ nea wɔyɛ a asɛm biara nni ho, ne nea ɛmfata koraa sɛ wɔyɛ?
Kenkan Efesofo 5:3, 4. Afei bisa sɛ:
-
Sɛ ɔbarima ne ɔbea a wɔrenantew rebɔ nkɔmmɔ wɔ tɛlefon, sohyia midia, anaa Intanɛt so a, ɛdɛn na ɛsɛ sɛ wɔhwɛ yiye wɔ ho?
8. Asafo Bible Adesua
(Simma 30) bt ti 24 ¶1-6
