Ná Mose Mmara no hwehwɛ sɛ ɔbarima a ɔpɛ sɛ ogyae aware no yɛ ho krataa mmara kwan so. Ná wei boa ma nkurɔfo mpere wɔn ho nnyae aware. Nanso wɔ Yesu bere so no, nyamesom akannifo no maa ɛyɛɛ mmerɛw sɛ obi begyae aware. Ná mmarima tumi gyina biribiara kɛkɛ so gyaa wɔn yerenom. (nwtsty Mr 10:4, 11 ho adesua nsɛm) Yesu twee adwene sii nokwasɛm yi so sɛ Yehowa na ɔhyehyɛɛ aware. (Mr 10:2-12) Ná ɛsɛ sɛ okunu ne ɔyere bom tena daa sɛ “ɔhonam koro.” Asɛnkoro yi ara bi wɔ Mateo nhoma no mu. Ɛhɔ ma yehu sɛ, “aguamammɔ” nko ara ne ade baako pɛ a Kyerɛwnsɛm no ka sɛ obi betumi agyina so agyae aware.—Mt 19:9.

Ɛnnɛ adwene a nnipa pii wɔ wɔ aware ho no te sɛ Farisifo de no, na ɛnyɛ Yesu adwene. Wɔn a wɔnyɛ Kristofo no, sɛ ɔhaw ba a, ntɛm ara na wɔagyae aware. Nanso Kristofo awarefo de, wɔfa wɔn aware ntam no aniberesɛm, na wɔbɔ mmɔden sɛ ɔhaw biara a wobehyia no, wobegyina Bible mu nnyinasosɛm so adi ho dwuma. Hwɛ video a yɛato din Ɔdɔ Ne Obu Ma Nkabom Ba Abusua Mu, na bua nsɛmmisa a edidi so yi:

• Wobɛyɛ dɛn de Mmebusɛm 15:1 ayɛ adwuma wɔ w’aware mu, na adɛn nti na ɛho hia sɛ woyɛ saa?

• Ɔkwan bɛn so na Mmebusɛm 19:11 a wode bɛyɛ adwuma no bɛboa wo ama woakwati ɔhaw ahorow?

• Sɛ w’aware reyɛ agu a, sɛ́ anka wobɛyɛ w’adwene sɛ wubegyae aware no, nsɛm bɛn na ɛsɛ sɛ wubisa wo ho?

• Ɔkwan bɛn so na Mateo 7:12 a mede bɛyɛ adwuma no betumi ama mayɛ okunu pa anaa ɔyere pa?