KRISTOFO ABRABƆ
Sɛ Ɔman No Sikasɛm Yɛ Basaa a, Dɛn Na Wobɛyɛ? Woasiesie Wo Ho?
Nneɛma bi tumi sisi ma wiase sikasɛm yɛ basaa. Ɛba saa a, ɛnyɛ yɛn nwanwa. Adɛn ntia? Efisɛ baabi a yɛadu wɔ awiei mmere yi mu no, aka to na borɔ na awiei no aba. Bible nso bɔ yɛn kɔkɔ sɛ yɛnhwɛ na yɛamfa yɛn ho anto “ahonyade a ɛnkyɛ so.” (1Ti 6:17; 2Ti 3:1) Yɛhwɛ Ɔhene Yehosafat asɛm no a, sɛn na ɛbɛboa yɛn ama yɛayɛ ahoboa na sɛ nneɛma mu yɛ den a, yɛn ani so antan yɛn?
Bere a atamfo bae sɛ wɔne Yehosafat rebɛko no, ɔde ne ho too Yehowa so. (2Be 20:9-12) Ɔsan yɛɛ nneɛma ahorow bi de bɔɔ ɔman no ho ban. Ɛne sɛ, osiesiee nkurow no bi ma ɛyɛɛ den, na ɔde asraafo koguu mmeae bi wɔ ɔman no mu. (2Be 17:1, 2, 12, 13) Yɛn nso, ɛsɛ sɛ yesuasua Yehosafat, na yɛde yɛn ho to Yehowa so, na yɛsan yɛ ahoboa biara a ɛsɛ sɛ yɛyɛ na sɛ nneɛma mu yɛ den a, yɛn ani antutu anka yɛn nsam.
HWƐ VIDEO A YƐATO DIN WOASIESIE WO HO AMA ATOYERƐNKYƐM? WUWIE A, BUA NSƐMMISA A EDIDI SO YI:
-
Dɛn na yɛn mu biara betumi ayɛ de asiesie ne ho ama atoyerɛnkyɛm?
-
Nhyehyɛe bɛn na yebetumi ayɛ na yɛatumi aboa afoforo?
