Woyɛ aberante anaa ababaa a, ebetumi ayɛ wo sɛ wommɔ akwakoraa anaa aberewa da. Enti anhwɛ a ɛbɛyɛ wo sɛ “nna bɔne” a mpanyinyɛ de ba nnipa so wɔ Satan wiase yi mu no, ebi rento wo da. (Ɔsɛ 12:1) Sɛ woyɛ aberante anaa ababaa a, wowɔ bere pii a wubetumi de honhom fam botae asisi w’ani so, te sɛ bere nyinaa som adwuma no.

‘Asiane to yɛn nyinaa bere a yɛnhwɛ kwan’; ennim aberante nnim ɔpanyin. (Ɔsɛ 9:11) ‘Wunnim nea ɛbɛto wo ɔkyena.’ (Yak 4:14) Enti honhom fam botae a wopɛ sɛ wode si w’ani so no, mfa nneɛma biara kɛkɛ nnyi wo ho ano ntu nhyɛ da. Bere a wowɔ hokwan no, wura ‘dwumadi kɛse pon’ no mu ansa na aka akyi. (1Ko 16:9) Woyɛ saa a, worennu wo ho da.

• Wubetumi asua kasa foforo de aka asɛmpa no

• Wubetumi ayɛ ɔkwampaefo

• Wubetumi akɔ Kristofo sukuu no bi

• Wubetumi ayɛ adansi adwuma

• Wubetumi akɔyɛ adwuma wɔ Betel

• Wubetumi ayɛ ɔmansin sohwɛfo