Bible mu nokware a ɛte sɛ aba a yedua wɔ nkurɔfo koma mu no, Yehowa na ɔma enyin. (1Ko 3:6-9) Enti sɛ yɛpɛ sɛ asɛnka adwuma a yɛreyɛ no sow aba a, ɛsɛ sɛ yɛde yɛn ho to Yehowa so sɛ ɔmmoa yɛne yɛn Bible asuafo no nyinaa.

Srɛ Yehowa sɛ ɔmmoa wo Bible asuafo ma wontumi nnyina nhyɛso ne ɔhaw biara a wobehyia ano. (Flp 1:9, 10) Worebɔ mpae a, ka dekode pɔtee a wopɛ sɛ Yehowa yɛ ma wo anaa wo suani no ho asɛm. Srɛ no sɛ ɔmfa ne honhom mmoa wo na ama woanya adwempa ne abotare. (Lu 11:13) Kyerɛ w’asuafo sɛnea wɔbɛbɔ mpae, na hyɛ wɔn nkuran ma wɔnyɛ saa. Afei nso, ɛyɛ a wo ne wɔn mmom mmɔ mpae; worebɔ mpae nso a, bɔ bi ma wɔn. Ne nyinaa mu no, ɛyɛ a bɔ wɔn din wom.

HWƐ VIDEO A YƐATO DIN MMOA A YEHOWA DE MA YƐN WƆ ASUAFOYƐ ADWUMA NO MU NO, SƐ YEGYE TOM A, ƐBƐMA YƐN ANI AGYE—MPAEBƆ NO. WUWIE A, BUA NSƐMMISA A EDIDI SO YI:

• Ɔhaw bɛn na Neeta hyiae wɔ Bible adesua a ɔne Jade yɛ no mu?

• Sɛn na asɛm a ɛwɔ 1 Korintofo 3:6 no boaa Neeta?

• Ɔhaw a Neeta hyiae no, ɛyɛɛ dɛn na ɛto twae?