Ɛtɔ da a yɛte nka sɛ adwumaden a yɛyɛ ma afoforo no, wɔnkyerɛ ho anisɔ, na ɛnkyɛ na wɔn werɛ afi. Yehowa nso ɛ? Sɛ yɛyɛ n’adwuma a, ne werɛ fi anaa? Yɛn Nyankopɔn no yɛ anisɔ Nyankopɔn, enti biribiara a yefi yɛn komam yɛ de som no no, ne werɛ mfi da. Sɛ mpo, yɛn ahoɔden so atew ma yentumi nyɛ nea na yetumi yɛ kan no a, ɔrennyaw yɛn da.—Heb 6:10.

HWƐ VIDEO A YƐATO DIN YEHOWA WERƐ REMFI. WUWIE A, BUA NSƐMMISA A EDIDI SO YI:

• Adwumaden bɛn na Onua Hibshman ayɛ wɔ Yehowa som mu?

• Dɛn na ɛma yehu sɛ Yehowa werɛ amfi Onua Hibshman bere a ne yere wui, ne bere a onyin nti ontumi nyɛ pii wɔ ne som mu no?

• Bere tenten a Onua Hibshman de ayɛ bere nyinaa som adwuma no, wanya nhyira pii. Adɛn nti na yebetumi aka saa?—Mme 10:22