KRISTOFO ABRABƆ
Awofo—Mommoa Mo Mma Ma Wɔnhu Sɛnea Wɔbɛma Onyankopɔn Koma Atɔ Ne Yam
Yehowa nni mmofra ho agorɔ koraa; wɔda ne koma so. Nkɔso a wɔnya ne sɛnea wɔmia wɔn ani som no no, n’ani tua ne nyinaa. (1Sa 2:26; Lu 2:52) Mmofra nketenkete mpo, wɔn suban pa betumi ama Yehowa ani agye. (Mme 27:11) Yehowa nam n’asafo no so ama awofo nneɛma pa bebree a wɔbetumi de aboa wɔn mma ama wɔadɔ Yehowa na wɔatie n’asɛm.
HWƐ VIDEO A YƐATO DIN MMOFRA—MO BOASETƆ MA YEHOWA KOMA TƆ NE YAM! WUWIE A, BUA NSƐMMISA A EDIDI SO YI:
-
Wohwɛ mfe kakra a abɛsen kɔ yi a, nneɛma bɛn na Yehowa de ama mmofra ne mmabun a aboa wɔn na akyerɛ wɔn kwan?
-
Yɛrekasa yi, nneɛma bɛn na ɛwɔ hɔ a ebetumi aboa awofo ama wɔatete wɔn mma?
-
Sɛ woyɛ abofra anaa ɔbabun a, nneɛma a Yehowa ayɛ sɛ ɛmmoa wo no, emu nea ɛwɔ he na woanya so mfaso, na sɛn na ɛboaa wo?
