KRISTOFO ABRABƆ
Mereboa Ama Yehowa Adansefo Akɔ So Anya Din Pa?
Yehowa Adansefo de, nkurɔfo hwɛ yɛn papaapa. (1Ko 4:9) Enti ɛsɛ sɛ yebisa yɛn ho sɛ, ‘Me kasa ne m’abrabɔ hyɛ Yehowa anuonyam anaa?’ (1 Pe 2:12) Nkurɔfo abɔ Yehowa Adansefo din pa mfe pii, enti yɛmpɛ sɛ yɛbɛyɛ biribiara a ɛbɛsɛe saa din pa no.—Ɔsɛ 10:1.
Sɛ Kristoni hyia tebea a edidi so yi a, dɛn na ɛsɛ sɛ ɔyɛ, na Bible nnyinasosɛm bɛn na ebetumi aboa no? Kyerɛw wo mmuae hyɛ ebiara ase:
-
Bere a obi a ɔnyɛ Ɔdansefo de abufuw akeka nsɛm yayaayaw akyerɛ wo
-
Bere a wo ntaade, wo kar, anaa wo fie ayɛ fĩ
-
Bere a aban mpanyimfo ahyɛ mmara bi a asɛ ɛkɔ tia yɛn anaa yehu mmara no sɛ ɛyɛ den sɛ yebedi so
Video a ɛwɔ ase ha yi ma yehu sɛ Akyerɛw Dwumadibea no, anuanom a ɛwɔ hɔ a wɔyɛ nsɛm ho nhwehwɛmu no boa ma yɛkɔ so nya din pa.
HWƐ VIDEO A YƐATO DIN YƐPƐ SƐ YƐMA NKURƆFO NYA NSƐM A ƐYƐ NOKWARE. WUWIE A, BUA ASƐMMISA A EDI SO YI:
Sɛ wohwɛ sɛnea asafo no bɔ mmɔden yɛ nhwehwɛmu kɔ akyiri sɛnea ɛbɛyɛ a wɔbɛma yɛanya nsɛm a ɛyɛ nokware a, dɛn na ɛyɛ wo fɛ wɔ ho?
